Да 100-годдзя БНР беларусы Швайцарыі ўсталююць бел-чырвона-белы сцяг у Альпах
- 19.03.2018, 14:20
- 7,167
Беларускі нацыянальны сцяг з'явіцца на піку горы Ютлібэрг.
25 сакавіка беларусы Швайцарыі плануюць паездку ў Альпы, дзе ў гонар 100-годдзя абвяшчэння незалежнасці Беларускай Народнай Рэспублікі ўсталююць бел-чырвона-белы сцяг, паведамляе «Радыё Свабода».
Пра гэта паведаміў адзін з лідараў беларускай дыяспары ў Швайцарыі Аляксандр Сапега.
Паводле ягоных слоў, беларускі нацыянальны сцяг з'явіцца на піку горы Ютлібэрг (Uetliberg) у ваколіцах Цюрыха.
Сам Сапега ўдзелу ва ўздыме на гару не прыме, бо 25 сакавіка плануе трапіць у Менск, каб далучыцца да святкавання ля Опернага тэатра.