Больш за 90% крымскіх татараў праігнаравалі расейскія выбары ў Крыме

Улады РФ далі недакладныя звесткі пра тое, што прыход выбараў на паўвостраве нібыта перавысіў 70%.

Больш за 90% крымскіх татараў у акупаваным РФ Крыме, нягледзячы на ціск, праігнаравалі выбары прэзідэнта Расеі. Пра гэта 19 сакавіка заявіў старшыня Меджліса крымскататарскага народа Рэфат Чубараў у каментары «Крым.Реалии» падчас акцыі пад амбасадай Расеі ва Украіне.

«Аналіз паказвае, што а 17 гадзіне паводле мясцовага часу, на выбарчых участках прыход быў блізу 30%. Людзі проста не ішлі на выбары. Іх выцягвалі, усіх», - адзначыў ён.

На думку Чубарава, акупацыйныя расейскія ўлады далі недакладныя звесткі пра тое, што прыход выбарцаў на паўвостраве нібыта перавысіў 70%. Ён дадаў, што ў Крыме людзі, якія дэманструюць адсутнасць лаяльнасці да дзеянняў Расеі, «павінны быць гатовыя да рэпрэсій кожны дзень».

Паводле звестак ЦВК РФ, у акупаваным Крыме за яго прагаласавала 92,15% выбарцаў.

23 лютага Міністэрства замежных спраў Украіны накіравала знешнепалітычнаму ведамству РФ ноту пратэсту з нагоды правядзення выбараў расейскага прэзідэнта на тэрыторыі Крыма. Кіраўнік ведамства Павел Клімкін паабяцаў, што Кіеў будзе дамагацца санкцый для датычных да волевыяўлення.

Украіна і яе міжнародныя партнёры не прызнаюць выбары прэзідэнта Расеі ў акупаваным Крыме, заявіў украінскі прэзідэнт Пятро Парашэнка.