Як беларусам злятаць у Неапаль і назад за 30 еўраў
- 20.03.2018, 11:10
- 10,002
Некалькі варыянтаў бюджэтных падарожжаў.
Кожны тыдзень citydog.by распавядае пра бюджэтныя падарожжы. Сёння пра Неапаль, круіз па Скандынавіі, паездку ў Кенію і Нью-Ёрк.
ВАРШАВА - НЭАПАЛЬ - ВАРШАВА ЗА 30 ЕЎРАЎ
У красавіку можна на пару тыдняў вырвацца на радзіму піцы - у Неапаль. Ryanair знізіў кошт квіткоў у горад на поўдні Італіі і прапануе злётаць туды за 15 еўраў. Калі захочаце вярнуцца, то можна ўзяць квіткі туды-назад, заплаціце 30 еўраў.
Дабрацца з Менска да Варшавы Ryanair не прапаноўвае. На гэта ёсць «Белавія»: самы танны білет Менск - Варшава каштуе 60 рублёў. А яшчэ ж ёсць цягнікі і аўтобусы.
КРУІЗ ХЕЛЬСІНКІ - СТАКГОЛЬМ ЗА 4,25 ЕЎРА
Выдатны варыянт на тры вясновыя дні для кампаніі сяброў: круіз Хельсінкі - Стакгольм за 4,25 еўра з чалавека. Увечары адплывае з Хельсінкі, раніцай прыплывае ў Стакгольм, 6,5 гадзіны шпацыруеце па сталіцы Швэцыі, вечарам сплываеце ў Хельсінкі.
Трэба спяшацца, бо 20 сакавіка акцыйных квіткоў ужо не будзе.
МЕНСК - НАЙРОБІ (КЕНІЯ) - МІНСК ЗА 408 ЕЎРАЎ
Авіякампанія KLM адвязе вас з Менска ў Кенію і верне ў Менск за 400 еўраў. Па дарозе яшчэ высадзіць у Амстэрдаме: нядрэнная стыкоўка для тых, у каго ёсць «шэнген».
МАСКВА - НЬЮ-ЁРК - МАСКВА ЗА 260 ЕЎРАЎ
Швайцарская авіякампанія Swiss звозіць у Нью-Ёрк і верне ў Маскву ўсяго за 260 еўра з чалавека. Па дарозе заляціць у Цюрых, і нават будзе час пагуляць па горадзе. А паглядзець там ёсць на што.
Да Масквы з Менска можна даляцець за 80 рублёў.