Названы найлепшыя хатнія сродкі для стабілізацыі ціску
8- 20.03.2018, 19:25
- 36,749
Гэтыя хатнія сродкі дапамогуць вылечыць гіпертанію.
Падвышаны ціск патрабуе сур'ёзнага стаўлення і адэкватнага лячэння. Нароўні з медыкаментозным лячэннем можна ўжываць і правераныя часам хатнія сродкі для прафілактыкі і лячэння гіпертаніі, піша healthinfo.ua.
Рэцэпт 1
Адвар журавін: 2 шклянкі раздушаных журавін змяшаць з 0,5 шклянкі цукру і 1 шклянкай вады, давесці да кіпення, астудзіць, працадзіць. Піць па 0,5 шклянкі 3 разы на дзень.
Рэцэпт 2
Журавіны (1 кг) змяшаць з цукрам (1 кг) і прымаць па 1 сталовай лыжцы 3 разы на дзень за 30 хвілін да ежы.
Рэцэпт 3
Ягады чарніц: 4 чайныя лыжкі сушаных пладоў заліць 1 шклянкай вады. Настойваць цягам 8 гадзін. Піць на працягу дня замест гарбаты.
Рэцэпт 4
Настой травы баркуну лекавага: 1 чайную лыжку травы заліць 1 шклянкай кіпячонай вады пакаёвай тэмпературы, настойваць на працягу 2 гадзін, працадзіць. Піць па 0,5 шклянкі 2-3 разы на дзень.
Рэцэпт 5
Настой пладоў рабіны звычайнай: 1 сталовую лыжку пладоў заліць 1 шклянкай кіпеню, настойваць да астуджэння, працадзіць. Піць па 0,3 шклянкі 3 разы на дзень.