Падаражанне кватэр у Менску паскараецца: тры прагнозы

Спецыялісты прааналізавалі «ўзлёт» коштаў на нерухомасць.

Жыллё пачало даражэць ў канцы 2017 года, сярэдні рост коштаў прапановы з пачатку года - 1,5-2% на месяц. У апошнія тры тыдні тэмпы падаражэння паскорыліся, паводле звестак Realt.by, да 0,6% на тыдзень. Пры гэтым даходы беларусаў не растуць - тое, што адбываецца цяпер, тлумачыцца толькі больш даступнымі крэдытамі і агульнымі настроямі. Цэннік, які ідзе ў гару, палохае тых, хто не паспеў палепшыць свае жыллёвыя ўмовы і абнадзейвае прадаўцоў, частка якіх «прытрымлівае» свае кватэры ў чаканні піку коштаў. І колькі будзе доўжыцца гэты ўзлёт?

Такая сітуацыя складваецца на рынку не ў першы раз і мае некалькі сцэнарыяў развіцця. Журналісты папрасілі падзяліцца гэтымі сцэнарамі аналітыкаў групы кампаній «Твая сталіца».

- Нягледзячы на кіўкі Нацбанка, мы не бачым аб'ектыўных перадумоў да патаннення крэдытаў, - кажа аналітык Андрэй Чарнышоў. - Зніжэнне стаўкі рэфінансавання не азначае абавязковае зніжэнне ставак за крэдыты. Таму гэты варыянт не разглядаем. Застаецца тры сцэнары: нічога не мяняецца, крэдыты даражэюць, курс даляра расце.

1. Сітуацыя не мяняецца

- Пры захаванні існых на рынку тэндэнцый, рост коштаў на рынку магчымы цягам найбліжэйшых некалькіх месяцаў. Пры гэтым будзе назапашвацца аб'ём прапановы кватэр, выстаўленых на рынак завышаным коштам. Варта ўлічваць, што не менш за 70% угод на рынку «ланцуговыя» і грунтуюцца, фактычна, на даплаце, якую ўносіць пакупнік. Рост коштаў на кватэры пацягне за сабой павелічэнне аб'ёму даплаты і павелічэння памеру патрэбнага для куплі крэдыту. Пры адсутнасці росту даходаў насельніцтва, абслугоўванне запазычанасці за крэдыты будзе станавіцца менш даступным, нават пры нізкіх стаўках на крэдыт. У выніку колькасць укладзеных угод на рынку будзе зніжацца і пацягне за сабой стабілізацыю коштаў і, у далейшым, іх падзенне.

2. Крэдыты даражэюць

У выпадку, калі стаўкі за крэдыты вырастуць (нават нязначна), але беларускі рубель будзе заставацца стабільным, цягам аднаго - трох месяцаў кошты стабілізуюцца пры адначасовым зніжэнні аб'ёму ўкладзеных на рынку ўгод да сярэдняга для Менска ўзроўню ўгод на месяц. Фактычна, рост крэдытаў, у паўгадавой перспектыве, пацягне за сабой зніжэнне коштаў - у межах 2-5%.

3. Крэдыты даражэюць, расце курс даляра

Пры значным павелічэнні ставак крэдытавання і росце абменнага курсу даляра, на працягу некалькіх месяцаў можа адбыцца так званае падзенне рынку, калі кошты пойдуць уніз пры мінімальнай колькасці ўкладзеных у Менску ўгод.

Пакуль аналітыкі адзначаюць: рынак актыўны, дэльта паміж коштам продажу адной кватэры і купляй другі ўсё яшчэ не вялікае, тым, хто ўжо ўвязаўся ў працэс паляпшэння жыллёвых умоў асцерагацца няма чаго.