Герой барацьбы з дэкрэтам аб «дармаедах» - просты народ
2- 22.03.2018, 9:25
- 12,468
Выйшаў фотаальбом, прысвечаны масавым акцыям пратэсту 2017 года.
21 сакавіка праваабаронцы «Вясны» прэзентавалі фотаальбом, прысвечаны масавым пратэстам 2017-га года, паведамляе сайт palitviazni.info.
Фотакніга распавядае пра гучныя падзеі, якія адбываліся ў грамадска-палітычным жыцці вясной мінулага года.
«Не першы раз у нашай гісторыі вясна «гарачая», бо менавіта ў гэты час праводзяцца буйныя дэмакратычныя акцыі, - распавяла рэдактарка кнігі Алена Лапцёнак. - У мінулым годзе менавіта дэкрэт аб «дармаедах» стаў той нагодай, каб ва ўсёй краіне прайшлі масавыя акцыі пратэсту. Героем нашага фотаальбома з'яўляецца просты народ. Людзі, якія прыйшлі на гэтыя акцыі».
У выданне ўвайшло блізу 200 аўтарскіх здымкаў, а таксама фотаздымкі з адкрытых крыніц. Фотаальбом выдадзены на дзвюх мовах: збольшага зроблены на беларускай, а ў канцы ёсць пераклад подпісаў на ангельскую.
«Асноўныя вехі адлюстраваныя ў гэтым альбоме, і я спадзяюся, што дзякуючы выдатнай працы фатографаў, гэтая кніга не будзе сумнай», - сказаў у час прэзентацыі кіраўнік праваабарончага цэнтра «Вясна» Алесь Бяляцкі.