Андрэй Піянткоўскі: У Пуціна засталося ад шасці тыдняў да паўгода

Існуе інструмент, якім Захад можа падарваць усе палітычныя асновы пуцінскай сістэмы.

Пра гэта заявіў расейскі палітолаг Андрэй Піянткоўскі у інтэрв'ю на канале Sotnik-TV.

Таксама ён пракаментаваў тое, як могуць развівацца стасункі Пуціна з Захадам у найбліжэйшыя 6 гадоў.

«Я думаю, што ўсе вызначыцца ў найбліжэйшыя 6 месяцаў, або нават 6 тыдняў. Таму што ніякіх новых пакетаў (санкцый. - Рэд.) ці старых не існуе. Існуе адзіны інструмент, якім Захад можа падарваць усе палітычныя і псіхалагічныя асновы пуцінскай сістэмы. Гэты інструмент - гэта канфіскацыя злачынна нажытых велічэзных капіталаў расейскай клептакратыі, якія захоўваюцца на Захадзе, уключаючы і асабістыя капіталы Пуціна», - заявіў Піянткоўскі.

Паводле ацэнак амерыканскіх аўтарытэтных эканамічных інстытутаў - гэта прыкладна блізу трыльёна даляраў прыватных расейскіх актываў у ЗША і блізу паўтрыльёна даляраў у Вялікабрытаніі, - адзначыў палітолаг.

«Існае заканадаўства Вялікабрытаніі і Штатаў нават не патрабуе ніякіх новых палітычных развязанняў і ўвядзення новых санкцый. Згодна з гэтым заканадаўствам гэтыя капіталы павінны быць спачатку замарожаныя, потым канфіскаваныя паводле абвінавачвання ў адмыванні грошай, здабытых злачынным шляхам», - дадаў Піянткоўскі.

«Гэтая размова адбылася да таго, як стала вядома пра званок Трампа Пуціну, што не касуе галоўнага, сказанага экспэртам Андрэем Піянткоўскім: «У Захаду ёсць шанец прызнаць сваю памылку, якая палягае ў доўгім спрыянні рэжыму Пуціна і, нарэшце, разабрацца з ім», - удакладняецца ў апісанні да відэа.