У цэнтры Менска з'явіліся плакаты, прысвечаныя БНР
- 22.03.2018, 11:17
- 12,195
Плакаты змяшчаюць кароткія звесткі пра 25-га сакавіка 1918 году.
21 сакавіка актывісты грамадскага аб'яднання «Альтэрнатыва» распаўсюдзілі інфармацыйныя плакаты, прысвечаныя 100-годдзю Беларускай Народнай Рэспублікі, піша «Новы час».
Плакаты былі размешчаныя на рэкламных афішах у папулярных грамадскіх месцах у цэнтры беларускай сталіцы.
«З дапамогай гэтай акцыі мы хочам падвысіць увагу грамадства да важнай падзеі ў гісторыі нашай краіны - 100-годдзя абвяшчэння незалежнасці Беларускай Народнай Рэспублікі! Упэўненыя, што папулярызаваць нашыя каштоўнасці варта не толькі праз інтэрнэт, але і праз візуальны кантакт з дапамогай друкаваных матэрыялаў. Плакаты змяшчаюць кароткія звесткі пра падзеі 25 сакавіка 1918 года», - адзначае кіраўніцтва «Альтэрнатывы».