29 сакавiка 2024, Пятніца, 5:15
Падтрымайце
сайт
Сім сім,
Хартыя 97!
Рубрыкі

У Солсберы шпіталізаваны яшчэ адзін паліцэйскі

6
У Солсберы шпіталізаваны яшчэ адзін паліцэйскі

Супрацоўнік брытанскай паліцыі адпраўлены ў лякарню з падазрэннем на атручванне.

У ангельскім горадзе Солсберы шпіталізаваны яшчэ адзін паліцэйскі, паведамляе ў чацвер, 22 сакавіка, агенцтва Reuters са спасылкай на выданне Daily Mail. Супрацоўніка паліцыі адправілі ў лякарню з падазрэннем на атручванне, паведамляе DW.

Выяўленыя ў паліцэйскага «нязначныя» сімптомы ўключаюць «раздражненне скурнага покрыву», адзначае выданне. Прадстаўнікі паліцыі Лондана і графства Уілтшыр устрымаліся ад каментароў.

4 сакавіка ў Солсберы быў атручаны нервова-паралітычным газам былы палкоўнік ГРУ Сяргей Скрыпаль, асуджаны ў РФ за шпіянаж і атрымаў прытулак у Вялікабрытаніі ў выніку шпіёнскага абмену. Лондан абвінаваціў Маскву ва ўжыванні хімічнай зброі на тэрыторыі каралеўства і выслаў 23 расейскіх дыпламатаў. Вялікабрытанію падтрымалі ЗША, NATO, Нямеччына, Францыя, Еўразвяз. Крэмль зняпраўджвае датычнасць расейскіх спэцслужбаў да атручвання.

Напісаць каментар 6

Таксама сачыце за акаўнтамі Charter97.org у сацыяльных сетках