Каля плошчы Якуба Коласа затрыманая назіральная група «Вясны»
- 25.03.2018, 12:32
- 9,167
Шэсць чалавек знаходзіцца ў аўтазаку.
У Менску затрыманыя праваабаронцы цэнтра «Весна».
Пра гэта паведамляе сайт праваабарончага цэнтру «Весна».
Шэсць чалавек знаходзяцца ў аўтазаку: Максім Кавалёў, Таццяна Мастыкіна, Андрэй Крэчка, Ганна Сахоненкава, Наста Лойка.
Нагадаем, што рэжым Лукашэнкі правёў прэвентыўныя арышты ўдзельнікаў святкавання 100-годдзя БНР.
23 сакавіка гэтага года Маскоўскі суд Менска прысудзіў да 10 дзён арышту каардынатара «Еўрапейскай Беларусі» Яўгена Афнагеля.
21 сакавіка затрыманыя таксама сябры аргкамітэту акцыі Уладзімір Някляеў, Вячаслаў Сіўчык і Максім Вінярскі. Максіма Вінярскага асудзілі 21 сакавіка на 10 дзён за акцыю салідарнасці з сайтам «Хартыя-97», заблакаваным у Беларусі.
Уладзімір Някляеў асуджаны на 10 дзён, выйдзе на волю толькі 31 сакавіка. Сіўчык таксама знаходзіцца ў ізалятары на Акрэсціна. Таксама на 10 дзён асуджаны актывіст «Еўрапейскай Беларусі» Леанід Кулакоў за правядзенне 13 сакавіка акцыі ў падтрымку «Хартыі-97».
Сёння раніцай у Мар'інай Горцы быў затрыманы паэт і грамадскі актывіст Славамір Адамовіч.