У Кішынёве праходзіць мітынг прыхільнікаў аб'яднання Малдовы і Румыніі
- 25.03.2018, 13:13
- 8,525
Актывісты праводзяць маштабную акцыю, прысвечаную стагоддзю далучэння Бесарабіі да Румыніі.
Прыхільнікі аб'яднання Малдовы і Румыніі праводзяць у Кішынёве маштабную акцыю, прысвечаную стагоддзю далучэння Бесарабіі да Румыніі.
Пра гэта паведамляе eurointegration.com са спасылкай на выданне Newsmaker.
Арганізатарам акцыі ў гонар 100-годдзя так званай уніры выступіў «Альянс стагоддзя», які аб'ядноўвае ўніанісцкія арганізацыі Малдовы і Румыніі. Арганізатары назвалі сваё мерапрыемства «Вялікім нацыянальным сходам» і запрасілі на яго малдаўскіх і румынскіх палітыкаў. Таксама будуць прысутнічаць прадстаўнікі мясцовай улады з раёнаў і населеных пунктаў, якія падтрымалі кампанію ўніаністаў і падпісалі сімвалічныя дэкларацыі аб далучэнні да Румыніі.
Напярэдадні акцыі шмат гаварылі пра магчымасць правакацый і сутыкненняў паміж ўніаністамі і прыхільнікамі малдаўскай дзяржаўнасці. Арганізатары акцыі, зрэшты, запэўнілі, што рыхтуюць мірнае мерапрыемства і не маюць намеру дэстабілізаваць сітуацыю. Яны таксама папрасілі МУС і спецслужбы забяспечыць бяспеку ўдзельнікаў акцыі і не дапусціць правакацый.