«Мы павінны быць разам і падтрымліваць адзін аднаго»

Украінцы прыйшлі на Майдан Незалежнасці ў Кіеве павіншаваць беларусаў з юбілеем БНР.

У цэнтры ўкраінскай сталіцы на Майдане Незалежнасці пачалася акцыя, прымеркаваная да 100-годдзя абвяшчэння Беларускай Народнай Рэспублікі, паведамляе «Радыё Свабода».

Акцыю праводзяць прадстаўнікі Беларускага цэнтра «Сябры», Тактычная група «Беларусь», дабрачынная арганізацыя «Міжнародны фонд «Валошка» і рух салідарнасці «Разам».

Да святкавання далучыліся блізу 100 украінцаў і беларусаў.

Падчас акцыі гучалі песні беларускага добраахвотніка Алеся Чаркашына, які загінуў на ўсходзе Украіны, Андрэя Мельнікава.

Сярод удзельнікаў многія ўкраінцы адзначылі, што святкаванне стагоддзя БНР - гэта вельмі важна, бо краіна павінна быць вольнай. «Мы разам павінны быць і падтрымліваць адзін аднаго», - сказаў кіяўлянін, які адмыслова прыйшоў на акцыю.

Пасля акцыі на Майдане Незалежнасці ўдзельнікі ўсклалі кветкі да помніка Міхаіла Жызнеўскага.