Прэзідэнт Польшчы павіншаваў беларусаў са 100-годдзем БНР
4- 25.03.2018, 15:32
- 14,387
Анджэй Дуда пажадаў беларусам удачы і поспеху на карысць іх Радзімы.
25 сакавіка адзначаюцца 100-годдзе абвяшчэння Беларускай Народнай Рэспублікі.
З гэтай нагоды прэзідэнт Польшчы Анджэй Дуда пажадаў беларусам, «з якімі Польскі Народ звязаны агульнай гісторыяй і культурай», удачы і поспеху на карысць іх Радзімы, паведамляе «Радио Польша».
У Менску і іншых гарадах Беларусі праходзяць у нядзелю, 25 сакавіка, святочныя мерапрыемствы, прымеркаваныя да юбілею першай незалежнай дзяржавы ў найноўшай гісторыі Беларусі.
Апоўдні ў беларускай сталіцы запланаваны апазіцыйны «Марш годнасці і свабоды». Улады дазволілі правесці мітынг і канцэрт каля Вялікага тэатра оперы і балета. Аднак, як паведамляе праваабарончая арганізацыя «Вясна», у многіх гарадах і пасёлках, улады робяць дзеянні па блакаванні святочных акцый.
24 сакавіка адбыліся прэвентыўныя затрыманні мясцовых апазіцыйных актывістаў у Бабруйску, Бярозе, Берасці, Слуцку, Вілейцы. У нядзелю ў Менску быў затрыманы апазіцыйны палітык, былы кандыдат у прэзідэнты Мікалай Статкевіч.