На мяжы транспартны калапс

Выезду з Беларусі чакаюць ужо больш за 2 тысячы грузавікоў.

Як паведамляе сайт Дзяржаўнага памежнага камітэта, паводле стану на 16.00 25 сакавіка, на мяжы Беларусі і Літвы ў «Каменным логу» стаіць больш за 400 грузавых аўтамабіля, у «Прывалцы» - звыш 210 фур, у «Катлоўцы» - звыш 200, у «Беняконі» - больш за 180.

Таксама чэргі з фур фіксуюцца на латвійскім напрамку: у «Грыгораўшчыне» - больш за 330, ва «Урбанах» - звыш 370. На беларуска-польскай мяжы ў «Бераставіцы» і «Казловічах» стаіць больш за 100 грузавікоў, у «Брузгах» - звыш 150. Ёсць чэргі і на ўезд у Беларусь. Самыя вялікія з іх фіксуюцца на мяжы з Польшчай.

У гэтым кірунку ўезду ў Беларусь чакаюць у «Бераставіцы» больш за 120 фур, у «Брузгах» - звыш 150, «Казловічах» - больш за 20 грузавых аўто. На беларуска-літоўскай мяжы ўезду ў Беларусь у пунктах пропуску «Беняконі», «Каменны лог» і «Катлоўка» чакаюць звыш 10 аўто.

Фуры, што ўязджаюць у Беларусь з Латвіі, таксама стаяць у чэргах. Так, у пункце пропуску «Урбаны» ўезду чакае больш за 30 аўто, у «Грыгораўшчына» - звыш 50 грузавікоў.