Фотафакт: У Горадні тысячы каталікоў прайшлі хросным ходам
- 25.03.2018, 17:19
- 10,682
Сёння каталікі ўсяго свету адзначаюць Вербніцу.
Традыцыйны хрэсны ход прайшоў у суботу, 24 сакавіка. А ў нядзелю каталікі ўсяго свету адзначаюць Вербніцу, успамінаючы ўваходжанне Езуса ў Ерусалім, піша tut.by. З гэтага дня пачынаецца Вялікі тыдзень. А праз тыдзень каталікі будуць святкаваць Вялікдзень.
Паводле традыцыі каталіцкая моладзь пасля ўрачыстай службы ў галоўным каталіцкім храме горада пранесла крыж з распяццем Хрыста ад Фарнага да Бернардынскага касцёла. Працэсія зрабіла 14 прыпынкаў, якія сімвалізавалі 14 эпізодаў хроснага шляху Хрыста. Хрэсны ход сабраў некалькі тысяч гарадзенскіх каталікоў.
