Зміцер Фрыга: Ні ў адной краіне свету такога няма

Ні ў адной краіне свету ўрад так панічна не баіцца свайго народа.

Вядомы беларускі кампазітар Зміцер Фрыга пракаментаваў масавыя затрыманні ў Дзень Волі.

«Толькі ў Беларусі магчымы такая гутарка: «Там сёння свята, будзе куча АМАПу і небяспечна». І ўсе выдатна разумеюць, што галоўная небяспека ідзе менавіта ад АМАПу і сілавікоў. Я сам некалькі разоў цудам не трапляў у аўтазак, калі на такіх «святах» у аўтазакі кідалі ні ў чым не вінаватых людзей. Проста мінакоў. Усе памятаюць аднарукага чалавека пляскаць у ладкі. Ні ў адной краіне свету такога няма. І ні ў адной краіне свету ўрад так панічна не баіцца свайго народа. Усё, чым можа ганарыцца гэтая краіна, у яе, на жаль, было ў мінулым. У сапраўдным - толькі калгас і АМАП», - напісаў Зміцер Фрыга на сваёй старонцы ў «Фэйсбуке».