Тылерсану прапанавалі пасаду рэктара ўніверсітэта
- 25.03.2018, 18:41
- 7,988
Былы дзяржаўны сакратар ЗША Рэкс Тылерсан можа заняць пасаду рэктара ўніверсітэта штата Тэхас.
Як паведамляе 24news.com cа спасылкай на выданне The Wall Street Journal, сябры адборачнай камісіі Тэхаскага ўніверсітэта актыўна прасоўваюць кандыдатуру былога дзяржаўнага сакратара, які, як ўдакладняецца, скончыў гэты ўніверсітэт.
Сам Тылерсан, паводле звестак СМІ, яшчэ не вызначыўся, чым мае намер заняцца пасля адстаўкі.
Тылерсан быў звольнены 13 сакавіка на пастанову прэзідэнта ЗША Дональда Трампа. Яго змяніў дырэктар ЦРУ Майк Пампеа.
