За тыдзень з банкаў Латвіі вывелі €365 мільёнаў
3- 25.03.2018, 19:23
- 20,987
Пра гэта сведчаць звесткі Камісіі рынку фінансаў і капіталу.
Укладчыкі на працягу тыдня вывелі з латвійскіх банкаў уклады на суму 365 мільёнаў еўраў.
Пра гэта сведчаць звесткі Камісіі рынку фінансаў і капіталу (FKTK), піша «Корреспондент».
«На цяперашні момант у латвійскіх банках захоўваюцца ўклады на 18,37 мільярда еўра, што з'яўляецца самым нізкім узроўнем за апошнія пяць гадоў. На працягу мінулага тыдня ўкладчыкі вывелі 365 мільёнаў еўраў», - адзначылі ў FKTK.
Раней Камісія прагназавала, што пасля ўвядзення забароны для банкаў працаваць з нерэзідэнтамі з латвійскіх банкаў будуць выведзены мільярды еўраў.
Усяго з 13 лютага, калі ЗША прапанавалі прыняць захады супраць ABLV Bank за парушэнні міжнародных санкцыяў, аб'ём укладаў у Латвіі знізіўся на 2,15 мільярда еўраў, або на 10,5%. Банк ABLV заявіў пра самаліквідацыю.
FTFK мае намер дамагчыся, каб доля укладаў нерэзідэнтаў у банках Латвіі знізілася з цяперашніх 35% да 5%.