Жыхары Эстоніі шануюць памяць дэпартаваных

У нядзелю ва ўсёй Эстоніі запалілі дзясяткі тысяч свечак у памяць пра ахвяр сакавіцкіх дэпартацыяў.

А 17 гадзіне прайшла мемарыяльная цырымонія ля манумента перамогі ў Вызваленчай вайне ў Таліне. А 18-й гадзіне ў Таліне, Тарту, Пярну і Нарве запалілі свечкі. Прысвечаныя памяці ахвяр мерапрыемствы пройдуць ва ўсёй Эстоніі, паведамляе glavnoe.ua.

У нядзелю спаўняецца 69 гадоў з пачатку сакавіцкай дэпартацыі, калі за некалькі дзён з Эстоніі было прымусова выслана больш за 22 000 эстоназямельцаў. Больш чым праз паўстагоддзе праджаўжаюцца разважанні пра тое, як і якім чынам падтрымліваць памяць пра ахвяр злачынстваў супраць чалавецтва і дэпартацыяў сярод маладых пакаленняў.

Свечкі пачалі запальваць у 2010 годзе на ініцыятыву НКА Tulipisar, у арганізацыі памятных мерапрыемстваў удзельнічаюць і іншыя арганізацыі ў правах чалавека, гістарычныя і моладзевыя аб'яднанні, піша postimees.ee.

А 17-й гадзіне ў суправаджэнні перазвону прайшла мемарыяльная цырымонія ля манумента перамогі ў Вызваленчай вайне ў Таліне. З 18 гадзін мерапрыемствы пачаліся на плошчы Вабадузе ў Таліне, на Ратушнай плошчы ў Тарту, плошчы Руйтлі ў Пярну і Ратушнай плошчы ў Нарве, дзе ў памяць пра ахвяраў дэпартацыі запалілі свечкі. На плошчы Вабадузе ў Таліне свечкі запалілі па геаграфічным контуры Эстоніі.

На плошчы Вабадузе таксама будзе паказаная відэапраекцыя з імёнамі 32 000 людзей, якіх у 1949 годзе вызначылі дэпартаваць - у тым ліку тых, каго арыштавалі, хто збег, быў вымушаны хавацца і нарадзіўся ў дэпартаваных у Сібір сем'ях. Аўтар відэапраекцыі - мастак Тааві Варміі. На шасці розных мовах пакажуць кароткі агляд падзей 1949 года. Удзельнікаў просяць прыносіць з сабой могілкавыя свечкі і запальныя сродкі.

Для сімвалічнага выражэння сваёй пазіцыі ў гадавіну дэпартацыяў створаны чорна-белы знак «кветка надзеі», які сімвалізуе жалобу аб ахвярах і надзею, што такое больш ніколі не паўторыцца. Знакі будуць раздаваць усім ахвотным падчас запальвання свечак.

25 сакавіка 1949 года савецкія ўлады дэпартавалі ў Сібір больш 22 000 эстоназямельцаў. Большасць дэпартаваных вызваліліся толькі ў 1958 годзе, апошнія дэпартаваныя вызваліліся ў 1965 годзе, некалькі тысяч чалавек так і не вярнуліся дадому. Усяго ў сакавіку 1949 года з Балтыйскіх краін было дэпартавана 95 000 чалавек. У 2019 годзе споўніцца 70 гадоў з дня дэпартацыі.

Мемарыяльнае мерапрыемства арганізаванае пры ўдзеле Tulipisar, Саюза студэнцкіх карпарацый Эстоніі, Саюза вучнёўскіх прадстаўніцтваў Эстоніі, Саюза моладзевых арганізацый Эстоніі, Эстонскага саюза Memento, арганізацыі «Адкрытая рэспубліка», Інстытута правоў чалавека і Эстонскага інстытуту памяці ў супрацоўніцтве з Міністэрствам юстыцыі.