У 14 гарадах правядуць 17 пікетаў салідарнасці з прафзвязам РЭП
4- 5.03.2018, 14:23
- 12,989
Пікеты пройдуць у дзень Канстытуцыі.
Актывісты прафзвязу РЭП з чатырнаццаці гарадоў Беларусі падалі заяўкі на семнаццаць пікетаў з патрабаваннем спыніць крымінальную справу, масавыя допыты і ўмяшанне ва ўнутраныя справы прафзвязу, паведамляе praca-by.info.
У адпаведнасці з артыкулам 35 Канстытуцыі Беларусі, артыкулам 21 Міжнароднага пакта аб грамадзянскіх і палітычных правах, артыкуламі 4-6 Закона РБ «Аб масавых мерапрыемствах у Беларусі» актывістамі прафзвязу РЭП пададзеныя 17 заявак на правядзенне 15 сакавіка 2018 года пікетаў у 14 гарадах, у тым ліку ў Менску - 3, у Берасці - 2, а таксама ў Гомелі, Магілёве, Воршы, Гародні, Кобрыне, Мікашэвічах, Мазыры, Калінкавічах і іншых райцэнтрах.
Мэта пікетавання - спыніць умяшанне ва ўнутраныя справы Беларускага прафзвязу работнікаў радыёэлектроннай прамысловасці (РЭП), спыніць неабгрунтаваныя выклікі да следчых ў якасці сведак чальцоў прафзвязу, спыніць крымінальны пераслед лідараў прафзвязу Генадзя Фядыніча і Ігара Комліка.