«Крумкачы» байкатуюць матч Кубка Беларусі

«Вораны» звярнуліся да заўзятараў.

«Крумкачы» скасавалі матч 1/4 фіналу Кубка Беларусі супраць «Нёмана». Аб гэтым паведамляецца на афіцыйным сайце клуба.

«Дарагія заўзятары «Крумкачоў»!

Звяртаемся перш за ўсё да вас. Кіраўніцтва клуба вымушанае прыняць пастанову аб касаванні матчу 1/4 фіналу Кубка Рэспублікі Беларусь з камандай «Нёман» (Гародня).

Як вядома, футбольнаму клубу «Крумкачы» адмоўлена ў прыёме заяўкі на праходжанне ліцэнзавання. Апеляцыя таксама не прынесла выніку. Фактычна нашаму клубу вынесены смяротны прысуд.

У сувязі са з'яўленнем мноства інсінуацый у СМІ і некарэктных каментароў, яшчэ раз падкрэсліваем - клуб адхілены ад працэдуры ліцэнзавання не праз фінансавыя прычыны і нават не праз адсутнасць дакументаў! Клуб прысудзілі да найвышэйшай меры пакарання за парушэнне тэрмінаў іх падачы. Нягледзячы на ўсе нашы довады аб празмернасцi такога суворага пакарання, уключаючы факты парушэння тэрмінаў падачы дакументаў самой АБФФ, пастанова пакінутая ў дзеянні вышэйшай інстанцыяй. На наш погляд, яна супярэчыць і прававым, і маральным, і спартыўным нормам, якіх павінен прытрымлівацца беларускі футбол. Яна відавочна несправядлівая і неверагодна жорсткая.

Яшчэ адзін нюанс, які абмяркоўваецца - сталыя параўнанні «Крумкачоў» і ФК «Тарпеда» і нібыта выбары паміж гэтымі клубамі. І з прававога, і са спартовага пункта гледжання ніякага выбару паміж клубамі не можа быць. Месца ў вышэйшай лізе належыць нам. Мы яго потам і крывёю зарабілі і, раз мы ад яго не адмаўляемся, іншых прэтэндэнтаў на гэтае месца быць не можа.

На сёння ў клуба гатовыя ўсе дакументы, новы заснавальнік падчас асабістай сустрэчы са старшынём федэрацыі даў гарантыі, што ў выпадку вяртання клуба ў працэс ліцэнзавання, запазычанасці будуць выплачаныя ў тыднёвы тэрмін. «Крумкачы» цалкам гатовыя да вышэйшай лігі 2018 як у кадравым плане, так і ў фінансавым. Мы здольныя гэта прадэманстраваць у максімальна кароткія тэрміны, але нам не даюць такой магчымасці. На наш погляд, за гэтай пастановай стаяць якія заўгодна матывы, але толькі не прававыя і ніяк не спартыўныя. З нармалізацыяй фінансавай сітуацыі ў клубе мы звярнуліся да кіраўніка федэрацыі з запэўненнямі ў гатоўнасці ўдзельнічаць у працэсе ліцэнзавання і, як вынік, у чэмпіянаце. Спадзяваліся, што федэрацыя прадэманструе зацікаўленасць беларускага футболу ў існаванні такога клуба, як наш, як раней паказвала і дэманструе цяпер такую зацікаўленасць у стаўленні да берасцейскага «Дынама», наваполацкага «Нафтана», мікашэвіцкага «Граніту», футбольнага клуба з Жыткавіч і інш. Але так здарылася, што наш клуб апынуўся не патрэбным айчыннаму футболу. Фармальныя прэтэнзіі сталі падставай для выключэння яго з чэмпіянату краіны.

Такія высновы зробленыя зыходзячы з таго, як развівалася сітуацыя. Сапраўды, клубам былі парушаныя тэрміны падачы дакументаў. Звязана гэта з тым, што ў пару фінансавай нявызначанасці клуб пакінулі практычна ўсе ягоныя супрацоўнікі. Але потым з'явіўся інвестар, а разам з ім надзея і ўпэўненасць у заўтрашнім дні. Парадокс, але складанасці ў клуба пачаліся менавіта тады, калі ён ажыў - пачаў разлічвацца з запазычанасцямі і паказваць фінансавую заможнасць. Як толькі стала відавочна, што мы маем намер паспець паправіць усе фінансавыя пытанні да камітэту ў ліцэнзаванні 12 сакавіка, на якім будуць выдаваць ліцэнзіі, АБФФ тут жа, насуперак усякай логіцы, адхіліла нашу заяўку. Далей, як толькі мы разлічыліся з 6 футбалістамі, выключна па якіх і да моманту разліку якіх, камітэт паводле статусу і трансферах прыняў пастановуе аб забароне на рэгістрацыю новых футбалістаў - клубу не толькі не знялі забарону, але і яшчэ дадалі штраф - 2 балы на чэмпіянат. Мы рабілі адзін крок насустрач, федэрацыя ад нас уцякала на два. Разам з прыніжэннем нашага клуба ў выглядзе нявыдачы мячоў, тэрмінам «16-й каманды» на лёсаванні, нейкім незразумелым, раздзіманым афіцыйным сайтам АБФФ, чорным пакеце - з нашага боку ўсё гэта выглядае як комплекс мерапрыемстваў для знішчэння клуба.

Падчас спрэчак аб дакументах часам забываецца галоўнае - для чаго існуюць усе гэтыя дакументы і наогул ліцэнзаванне. Для футбола! Футбол - вялікая гульня, тут на адным полі могуць сысціся ў сумленнай барацьбе багацце і беднасць, худы і тоўсты, высокі і нізкі. І футбольны клуб «Крумкачы» заўсёды быў шчыры, сумленны перад футболам і сваімі вынікамі заслужыў месца ў вышэйшай лізе.

За сезон 2017 года каманды «Крумкачоў» правялі 137 матчаў на нацыянальным узроўні - гэта асноўны склад, дублюючы і 4 моладзевыя каманды. Як бы складана ні было клубу восенню 2017 года, ніводзін матч не быў сарваны, заўсёды было арганізаванае хатняе поле, усе каманды даехалі на выязныя матчы. Так, шмат у чым дзякуючы нашым заўзятарам і краўдфандынгу, але мы знайшлі развязанні і выканалі ўсе свае абавязацельствы перад Футболам нават у самы складаны час.

Але цяпер мы не бачым іншага выйсця, акрамя як скасаваць матч 1/4 фіналу Кубка Рэспублікі Беларусь. «Крумкачы» не выйдуць на матч супраць «Нёмана» ў нядзелю», - паведамляе прэс-служба «Крумкачоў».

Матч «Крумкачы» - «Нёман» мусіў адбыцца 11 сакавіка а 14:00.

Раней «Крумкачоў» не дапусцілі да праходжання ліцэнзавання для ўдзелу ў вышэйшай лізе. Клуб падаў апеляцыю на гэтую пастанову, аднак яе адхілілі.

Акрамя таго, камітэт АБФФ па статусе і пераходах футбалістаў зняў з клуба два балы і забараніў рэгістраваць новых футбалістаў.

На 10 сакавіка намечанае новае пасяджэнне камітэта, на якім забарону могуць скасаваць.