Хакеры выдалілі з YouTube кліп Despacito
1- 10.04.2018, 15:09
- 14,990
У яго было пяць мільярдаў праглядаў.
Хакеры з групоўкі Prosox and Kuroi'sh узламалі YouTube-акаўнты відэасайта Vevo і выдалілі з яго кліп Despacito Луіса Фансі - самы папулярны паводле праглядаў ролік у свеце, піша "Новое Время".
Яны замянілі змесціва роліка на кадр з гішпанскага серыяла "Папяровы дом" (La casa de papel) і падпісалі яго: "Вызваліце Палесціну".
Пазней ролік быў заблакаваны.
Карыстальнік Twitter, які, як мяркуецца, з'яўляецца адным з хакераў, заявіў, што ён выкарыстаў скрыпт, які змяняе імёны ролікаў.
"Не судзіце мяне, я люблю YouTube", - дадаў ён.
Разам з Despacito былі змененыя назвы кліпаў Шакіры, Cardi B, Селены Гомес і іншых выканаўцаў, якія публікавалі свае кліпы на сайце Vevo.