Відэафакт: У Воршы міліцыя выкарыстала сілу да пенсіянера
28- 13.04.2018, 11:23
- 22,713
Паджылы аршанец усяго толькі перайшоў дарогу не па пешаходным пераходзе.
У Воршы міліцыя выкарыстала сілу да паджылага чалавека, які няправільна перайшоў дарогу. Відэа міліцэйскага беззаконня, знятае відавочцамі, было апублікаванае ў інтэрнэце, паведамляе сайт orsha.eu.
З роліка можна зразумець, што дзядуля на вуліцы Памежнай перайшоў дарогу не па пешаходным пераходзе. З гэтай прычыны ён успароўся на супрацоўнікаў ДАІ, але не захацеў садзіцца ў аўто для складання пратаколу.
Часта патрулі ДАІ ўзмацняюцца супрацоўнікамі дэпартамента «Ахова». Менавіта «ахоўнікі» і ўмяшаліся ў справу, на вачах у дзясяткаў мінакоў міліцыянты сталі сілай цягнуць пенсіянера, але той упіраўся.
Усё гэта выклікала абурэнне відавочцаў. Некаторыя з іх сталі на абарону дзядулі. Пасля ўпрошвання пенсіянер падышоў да патрульнага аўто і тут міліцыянты другім разам выкарысталі да яго сілу - спрабавалі сілком запхнуць у аўтамабіль.
У выніку, каб затрымаць сівога аршанца, прыехала яшчэ адная машына міліцыі, у якую дзядуля ўжо сеў добраахвотна.
Увага! На відэа прысутнічае ненарматыўная лексіка.
Відэа глядзіце тут.