ЗША пацэлілі ў Сірыі ў 10 аб'ектаў (Мапа)
16- 14.04.2018, 9:23
- 49,756
Ракеты ЗША, Вялікай Брытаніі і Францыі пацэлілі ў дзесяць аб'ектаў у Сірыі.
Як распавяла «Коммерсанту» вайсковая крыніца ў Сірыі, ракеты ЗША, Вялікай Брытаніі і Францыі патрапілі ў наступныя аб'екты:
штаб Рэспубліканскай гвардыі. Батальён 105 (Дамаск);
база СПА, размешчаная пад гарой Касьюн (Дамаск);
аэрапорт Меза (Дамаск);
аэрапорт Ад-Думейр (Усходняя Гута);
навукова-вайсковы цэнтр у Барзе (пад Дамаскам);
штаб-кватэра навуковага цэнтра ў Джамрая (прыгарад Дамаска);
батальён 41 спецназу (прыгарад Дамаска);
вайсковыя падраздзяленні ў Каламуне (паўночны прыгарад Дамаска);
вайсковы аб'екты ў Кісве (прыгарад Дамаска);
вайсковыя склады ў Хомсе.
Афіцыйны Дамаск не пацвярджае інфармацыю аб аб'ектах, якія зазналі напад.
Пра пачатак удараў па Сірыі абвясціў прэзідэнт ЗША Дональд Трамп падчас звароту да нацыі. Да атакі далучыліся Вялікая Брытанія і Францыя. Пентагон заявіў, што мэтамі сталі тры аб'екты: навукова даследчы цэнтр пад Дамаскам, у якім займаліся распрацоўкай, даследаваннем і вытворчасцю хімічных і біялагічных тэхналогій, аб'ект для захоўвання хімічных рэчываў на захад ад Хомса, а таксама сховішча хімічных рэчываў і важны камандны пункт пад Хомсам.