Амбасадар ЗША ў ААН: Расеі накіравалі моцнае пасланне і, спадзяюся, яна яго пачуе

Санкцыі супраць РФ за падтрымку Асада ўвядуць найбліжэйшым часам.

Пра новыя санкцыі супраць Расеі ў адказ на падтрымку Масквой рэжыму Асада будзе абвешчана найбліжэйшым часам, заявіла пасол ЗША ў ААН Нікей Хэйлі, выступаючы ў нядзелю на тэлеканале CBC. Пра гэта паведамляе расейская служба «Голоса Америки».

«Міністр фінансаў Стывен Мнучын абвесціць пра іх у панядзелак, калі ён ужо гэтага не зрабіў», - сказала Хэйлі.

Яна ўдакладніла, што санкцыі, пра якія ідзе гаворка, будуць накіраваныя супраць любых кампаній, якія маюць дачыненне да Асада і прымянення хімічнай зброі.

«Я думаю, што кожны цяпер гэта адчуе. Мяркую, што мы накіравалі моцнае пасланне, і спадзяюся, яны яго пачуюць», - сказала амбасадарка ЗША ў ААН.

Што да ўдараў, нанесеных ЗША і іх хаўруснікамі па мэтах у Сірыі, Хэйлі падкрэсліла, што яны былi накiраваныя па сірыйскім арсеналам хімічнай зброі і даследчым цэнтрам, які прадстаўляў сабой, з яе слоў, «сэрца» сірыйскай вайскова-хімічнай праграмы.