Расея выправіла ў Сірыю дэсантны карабель з бронетэхнікай
12- 17.04.2018, 10:21
- 19,206
Вялікі дэсантны карабель ВМФ Расеі «Орск» увайшоў у акваторыю Міжземнага мора.
Пра гэта паведамляе «Інтэрфакс» са спасылкай на мясцовыя інтэрнэт-сайты, якія публікуюць фатаграфіі ягонага праходжання праз Басфор.
Як паведамляюць стамбульскія сайты, баявы карабель «Орск» ідзе ў сірыйскі порт Тартус, дзе размешчаная база матэрыяльна-тэхнічнага забеспячэння ВМФ Расеі ў Міжземным моры.
Адзначаецца, што «Орск», мяркуючы з яго ўлягання, ішоў моцна нагружаным.
На апублікаваных фотаздымках на верхняй палубе карабля відаць некалькі бронетранспарцёраў БТР-80, тэнтаваныя грузавікі «КАМАЗ», бензавоз «Урал» і бронеаўтамабіль «Тыгр», афарбаваныя ў зялёны колер.
Гэта чацвёрты паход дэсантнага карабля ў Сірыю сёлета.
Паводле паведамленняў замежных СМІ, БДК і судны дапаможнага флоту ВМФ Расеі, а таксама зафрахтаваныя судны ўдзельнічаюць у аперацыі пад назвай «Сірыйскі экспрэс» для дастаўкі грузаў для расейскай авіягрупы на авіябазе Хмеймім пад Латакіяй, базы матэрыяльна-тэхнічнага забеспячэння ВМФ у Тартусе і сірыйскай урадавай арміі.