Лідар армянскай апазіцыі абвесціў пра пачатак «аксамітнай рэвалюцыі»
8- 17.04.2018, 12:36
- 16,510
Удзельнікі масавай акцыі ў Ерэване прадаўжаюць пратэсты.
Дэманстранты ў сталіцы Арменіі Ерэване адмаўляюцца спыніць масавыя акцыі пратэсту супраць кандыдатуры былога прэзідэнта Сержа Саргсяна на пасаду прэм'ер-міністра краіны.
Як паведамляе «Нямецкая хваля» з Ерэвана, дэманстранты ў масавым парадку ідуць па праспекце Баграмяна ў бок будынка парламента. Тут аб 11-й паводле беларускага часу пачалося абмеркаванне і галасаванне адносна кандыдатуры новага кіраўніка ўрада краіны.
Дэпутат парламента Арменіі Нікол Пашынян, лідар апазіцыйнага руху, які пратэстуе супраць кандыдатуры экс-прэзідэнта Сержа Саргсяна на пасаду прэм'ера, заявіў пра стварэнне ў краіне "рэвалюцыйнай сітуацыі". «У Арменіі ўсталявалася рэвалюцыйная сітуацыя. Я тут і цяпер абвяшчаю пра пачатак "аксамітнай рэвалюцыі"», – сказаў Пашынян, выступаючы на плошчы Францыі ў цэнтры Ерэвана.
Раней Пашынян дэманстратыўна парваў апавяшчэнне паліцыі з патрабаваннем пра спыненне акцыі пратэсту, уручанае яму намеснікам кіраўніка паліцыі Ерэвана Валерыем Асіпянам.
Пашынян раніцай на сустрэчы з прыхільнікамі ў цэнтры Ерэвана заклікаў ізноў блакаваць вуліцы і працу дзяржаўных установаў. "Блакуйце ўсе вуліцы, спыняйце транспарт, пазбягайце гвалту, будзьце ветлівыя з паліцыянтамі. Заходзьце ва ўсе дзяржустановы, не дазваляйце працаваць", – сказаў ён. Пашынян таксама заклікаў заблакаваць усе падыходы да будынка парламента Арменіі на праспекце Баграмяна.
Затрыманні дэманстрантаў
Дэманстранты блакуюць цэнтр Ерэвана з 13 красавіка. Прылеглы да плошчы Францыі праспект Баграмяна перакрыты сіламі паліцыі, сагнаная спецтэхніка, у тым ліку вадамёт і бронемашыны.
Так сейчас выглядит центр Еревана. Вышедшие на улицы люди хотят помешать бывшему президенту стать теперь премьер-министром. После изменения Конституции Серж Саргсян может снова получить всю власть в стране, которой он уже руководил 10 лет pic.twitter.com/zU0qoHe6CU
— DW (на русском) (@dw_russian) 16 апреля 2018 г.
Паводле словаў Нікола Пашыняна, паліцыя 17 красавіка даставіла ў аддзяленні некалькі дзясяткаў удзельнікаў пратэставага руху. "Паводле нашых звестак, у паліцыю павезлі 30 чалавек. Гэта нічога не мяняе. Мы прадаўжаем нашу тактыку, хаатычна перасоўваемся і перакрываем вуліцы", – паведаміў Пашынян журналістам.
Галасаванне ў парламенце Арменіі адносна выбараў прэм'ер-міністра краіны прызначанае на 17 красавіка. Серж Саргсян ужо займаў пасаду прэм'ера Арменіі ў 2007–2008 гадах. У лютым 2008-га ён быў абраны прэзідэнтам краіны і пасля перавыбрання ў 2013-м заставаўся на пасадзе кіраўніка дзяржавы да 9 красавіка гэтага года.