У парку Горкага на пляцоўку адпачынку абрынулася старая таполя

Інцыдэнт адбыўся 18 красавіка а 10-й раніцы.

Сёння ў парку Горкага на пляцоўку адпачынку ўпала старая таполя. Раней яе не высеклі, бо «Зялёная сетка» спыніла яе выдаленне, паведамляе «Менскзеленбуд».

Вялікаўзроставая таполя дыяметрам больш за 100 сантыметраў ўпала на пляцоўку адпачынку, разбурыўшы падпорную сценку і кветачніцу. У 2015 годзе гэта дрэва абследавалі і наважылі выдаліць.

Але грамадскія арганізацыі («Зялёная сетка») у выніку грамадскіх абмеркаванняў спынілі выдаленне гэтага дрэва разам з іншымі вялікаўзроставымі дрэвамі, у якіх былі прыкметы небяспечнага - нахілу, сухія галіны, але пры гэтым крона зялёная. Ва ўпалага дрэва ёсць ўнутрыствольная гнілата, што спрыяла падзенню. Візуальна такую гнілата вызначыць немагчыма.

Для папярэджання падзення дрэў у парку Горкага сумесна з прадстаўнікамі ДНУ Інстытут Эспэрыментальнай батанікі імя Купрэвіча НАН Беларусі, Менскага гарадскога камітэта прыродных рэсурсаў і аховы навакольнага асяроддзя, аграхімічнай лабараторыі УП «Менскзеленбуд» і прадстаўнікамі грамадскіх арганізацый правядуць абследаванне.