The Economist: Непапулярны прэзідэнт Арменіі зрабіў сябе прэм'ер-міністрам

Пасля дзесяцігадовага знаходжання пры ўладзе Саргсян мала чым можа пахваліцца.

Пра пратэстыя акцыі, што доўжацца ў Арменіі ўжо больш за тыдзень, напісаў аўтарытэтны брытанскі часопіс The Economist (пераклад - azatutyun.am) у артыкуле пад загалоўкам «Пазнаёмцеся з новым кіраўніком».

«Непапулярны прэзідэнт Арменіі зрабіў сябе прэм'ер-міністрам», - напісаў брытанскі часопіс і дадаў, што, прадбачліва засяродзіўшы вагары ўлады ў руках прэм'ер-міністра, цяпер Серж Саргсян займае менавіта гэтую пасаду.

Нагадаўшы аб тым, што ў 2014 годзе сам Саргсян, які ў той час займаў пасаду прэзідэнта, заявіў, што адзін чалавек не павінен больш за два разы ў сваім жыцці прэтэндаваць на тое, каб стаць ля стырна ўлады, The Economist піша: высветлілася, што, кажучы гэта, Серж Саргсян проста жартаваў.

«17 красавіка лаяльны Саргсяну Нацыянальны сход абраў яго прэм'ер-міністрам краіны. Нават многія чальцы самай буйной «апазіцыйнай» фракцыі (блок «Царукян» - рэд.) прагаласаваў за яго. І калі перайманне з'яўляецца адным з самых шчырых спосабаў дагадзіць, падстрахавацца, то Уладзімір Пуцін павінен быць гэтым задаволены», - падкрэслівае выданне.

Аналізуючы падзеі, якія адбыліся дагэтуль, брытанскае выданне адзначае, што намеры Сержа Саргсяна былі відавочныя ўжо даўно: канстытуцыйныя рэформы, якія ён распачаў у снежні 2015 года, даюць прэм'ер-міністру практычна ўсе тыя ж паўнамоцтвы, што былі раней у прэзідэнта. Папраўкі таксама скасавалі прамыя выбары прэзідэнта, гарантаваўшы, што гэтую пасаду будзе займаць чалавек, якога ўхваліў Серж Саргсян.

«Серж Саргсян сцвярджае, што парламенцкая сістэма ўмацуе дэмакратыю, аднак шмат хто з жыхароў Арменіі ў гэта не вераць, сцвярджаючы, што новая заблытаная выбарчая сістэма практычна гарантуе Рэспубліканскай партыі Саргсяна большасць галасоў», - піша The Economist.

Вядомы сваім эканамічным кірункам часопіс, наклад якога складае 1,5 мільёнаў, адзначае: «Пасля дзесяцігадовага знаходжання пры ўладзе Саргсян мала чым можа пахваліцца: эканоміка, якая залежыць ад трансфэртаў з Расеі, вырасла нязначна, беспрацоўе складае амаль 20%, колькасць жыхароў краіны, якія жывуць за мяжой беднасці, з 2008 года павялічылася, мяжы з Азербайджанам і Турцыяй закрытыя, замежных інвестараў адпуджвае карупцыя, асноўныя галіны эканомікі кантралююцца алігархамі, сярод якіх і сам Саргсян».

Прадстаўляючы цяперашнюю палітыку Саргсяна, The Economist адзначае, што ў новага прэм'ер-міністра ёсць тры праграмы: паглыбленне стасункаў з Еўразвязам, паляпшэнне дэмаграфічнай сітуацыі і ператварэнне Арменіі ў цэнтр інфармацыйных тэхналогій - усе тры, аднак, фактычна, нерэалістычныя.

«Пагадненне з Еўразвязам з'яўляецца слабым падабенствам пагаднення аб асацыяцыі, ад якога Саргсян адмовіўся [у 2013 годзе], упадабаўшы сяброўства ў ініцыяваным Расеяй Еўразійскім эканамічным саюзе. Праграма павелічэння колькасці насельніцтва да 2040 года да 4 мільёнаў чалавек не ўтрымлівае канкрэтных прапаноў. ІТ-сфера ў Арменіі з'яўляецца найбольш развітай галіной эканомікі, але яна больш вядомая сваёй таннай рабочай сілай».

«Новае кіраўніцтва Сержа Саргсяна, відавочна, будзе расчароўваюць, і неўзабаве ён, магчыма, сам пераасэнсуе мудрасць агучанай ім у 2014 годзе думкі», - робіць высновы брытанскае выданне.