Brutto сабралі Палац спорту ў Менску
- 22.04.2018, 17:15
- 17,951
Фотарэпартаж з канцэрта.
21 красавіка музычны гурт Сяргея Міхалка BRUTTO прэзентаваў у сталічным Палацы спорту альбом «Рокі», які выйшаў яшчэ ў траўні 2017 года. Гэта трэцяя студыйная кружэлка, выпушчаная да трохгоддзя групы, паведамляе euroradio.fm.
На канцэртную прэзентацыю ў Менску прыехалі фанаты не толькі з усёй Беларусі, але таксама з Расеі і Украіны. Вельмі шмат людзей прыходзілі цэлымі сем'ямі з маленькімі дзецьмі. Некаторыя фанаты намалявалі на тварах лагатып гурта.
На канцэрт таксама прыйшла жонка Сяргея Міхалка Святлана Зелянкоўская з сынам Макарам і дзеці астатніх удзельнікаў гурта. Заўважаны быў і Арцём Лук'яненка з гурта NaviBand.