Заслужаныя артысты Арменіі ў знак пратэсту адмаўляюцца ад ганаровых званняў

Званні заслужаных артыстаў былі прысвоеныя ім Сержам Саргсянам.

Заслужаныя артысты Арменіі на знак пратэсту адмаўляюцца ад ганаровых званняў, прысвоеных ім Сержам Саргсянам, паведамляе армянская служба «Радыё Свабода».

Спявачка Эрна Юзбашан, якая жыве ў ЗША, сёння на сваёй старонцы ў сацыяльнай сетцы Facebook напісала: «Я думаю, што шчасце і росквіт маёй краіны нашмат важней за ўсе медалі і ўзнагарод! Я адмаўляюся ад звання заслужанай артысткі!»

Адзначым, што спявачка гэтае званне атрымала ў 2015 годзе ўказам Сержа Саргсяна, які быў тады прэзідэнтам Арменіі.

Адным з тых, хто ў 2011 годзе атрымаў ад Сержа Саргсяна вышэйшыя дзяржаўныя ўзнагароды з нагоды 20-годдзя незалежнасці Арменіі, быў таксама заснавальнік і выканаўчы дырэктар музычнага цэнтра «Каданс» і прадусар Ніка Бабаян. Ён таксама адмовіўся ад звання «Заслужаны дзеяч культуры Арменіі», пра што паведаміў на сваёй старонцы ў сацсетцы Facebook.

«Праз беззаконне кіроўнай улады, на знак пратэсту супраць арыштаў патрыётаў краіны, лідараў справядлівага ўсенароднага руху, я не ўважаю за магчымае далей насіць званне «Заслужаны дзеяч культуры Арменіі», - напісаў Бабаян.

У 2017 годзе ўганараваны ўказам прэзідэнта Сержа Саргсяна звання заслужанага артыста Арменіі актор Мкрціч Арзуманян таксама адмовіўся ад гэтага звання. Ён пра гэта напісаў на сваёй старонцы ў Facebook.

«Мяркую за непрымальнае выкарыстанне сілы супраць няўзброенага і мірнага народа. Асуджаю ўжыванне ўладамі сілы супраць маіх суайчыннікаў. Адмаўляюся ад гэтага звання», - напісаў Арзуманян, вядомы з гумарыстычнай праграмы «Каргін ахордум»).