G7 выступіла за захаванне санкцый супраць Расеі
1- 23.04.2018, 10:04
- 7,644
Абмежавальныя захады супраць Расейскай Федэрацыі за агрэсію ва Украіне падоўжаныя.
Міністры замежных спраў краін "Вялікай сямёркі" (G7) - Канады, Францыі, Нямеччыны, Італіі, Японіі, Вялікабрытаніі і ЗША - выступаюць за захаванне санкцый супраць Расеі, паведаміла 22 красавіка ў Twitter прэс-служба МЗС Канады.
"Кіраўнікі МЗС "Вялікай сямёркі" пацвердзілі агульную прыхільнасць сусветнаму парадку, заснаванаму на нормах міжнароднага права, у тым ліку ў пытанні тэрытарыяльнай цэласнасці краін. Санкцыі ў дачыненні да Расеі за непрымальныя дзеянні ва Украіне захаваюцца", - сказана ў паведамленні.
Minister Freeland and #G7 Foreign Ministers reaffirmed our shared respect for rules-based international order, including on territorial #sovereignty. Sanctions imposed on #Russia following its unacceptable actions in #Ukraine will continue. pic.twitter.com/f6n9sQ6MkS
— Foreign Policy CAN (@CanadaFP) 22 апреля 2018 г.
Міністр замежных спраў Украіны таксама паведаміў, што на спецыяльным пасяджэнні кіраўнікоў замежнапалітычных міністэрстваў краін "Вялікай сямёркі" ўдзельнікі назвалі расейскую агрэсію супраць Украіны атакай на дэмакратычны свет. Удзел Клімкіна ў саміце 22-23 красавіка, з інфармацыі МЗС Украіны, павінен быў "спрыяць належнаму адлюстраванню" ўкраінскага пытання "ў дыскусіях і выніковых дакументах G7 у 2018 годзе".
Вясной 2014 года, пасля анэксіі Расеяй Крыму і пачатку баявых дзеянняў на Данбасе, у дачыненні да РФ былі ўведзеныя эканамічныя санкцыі Злучанымі Штатамі, Еўразвязам і некаторымі іншымі краінамі. Санкцыйныя пакеты некалькі разоў пашыраліся і станавіліся больш жорсткімі.