28 сакавiка 2024, Чацвер, 14:33
Падтрымайце
сайт
Сім сім,
Хартыя 97!
Рубрыкі

Жыллёвы кодэкс: Багатыя будуць жыць за кошт бедных

22
Жыллёвы кодэкс: Багатыя будуць жыць за кошт бедных

«Палатка» рыхтуе папраўкі да яшчэ аднаго закона.

На чацвёртай сесіі так званай «палаты прадстаўнікоў» будзе разгледжаны праект закона «Аб унясенні змяненняў і дапаўненняў у некаторыя законы Беларусі ў пытаннях прававога рэгулявання жыллёвых дачыненняў».

Юрыст і рэдактар сайта statut.by Аляксандр Горбач распавёў «Салідарнасці», што адна малапрыкметная дэталь у праекце можа пацягнуць вельмі негатыўныя наступствы.

- Звярніце ўвагу на артыкул Жыллёвага кодэкса, дзе гаворыцца пра абавязкі ўдзельніка супольнага домаўладання аб размеркаванні выдаткаў эксплуатацыі агульнай маёмасці. Адзначу, што найперш пад супольнымі домаўладаннем у нас маюцца на ўвазе таварыствы ўласнікаў (ТУ), і жыллёвыя спажывецкія кааператывы (ЖСК), хоць напраўду ў нас амаль 90% шматпавярховага жыллёвага фонду пасля прыватызацыі жылля з'яўляецца супольным домаўладаннем.

Цяпер гэтая норма змяшчаецца ў артыкуле 166 Жыллёвага кодэкса, і яна сфармуляваная так: «Удзельнік супольнага домаўладання абавязаны кампенсаваць выдаткі эксплуатацыі (утрымання, тэхнічнага абслугоўвання, рамонту і капітальнага рамонту) агульнай маёмасці прапарцыйна яго дзелі ў агульнай уласнасцi на гэту маёмасць, калі iншае не ўстаноўлена заканадаўствам».

А ў праекце новай рэдакцыі Жыллёвага кодэкса цяпер гаворыцца: «Удзельнік супольнага домаўладання абавязаны кампенсаваць выдаткі эксплуатацыі (утрымання, тэхнічнага абслугоўвання, рамонту, капітальнаму рамонту, тэхнічнаму абслугоўвання ліфту, электразабеспячэння) агульнай маёмасці ў парадку, прадугледжаным актамі заканадаўства».

Гэта значыць паняцце прапарцыйнасць знікае!

Але ж прапарцыйнасць - асноўны прынцып у супольным домаўладанні. Так, у адпаведнасці з дзейнымі нормамі ЖК на агульным сходзе ўдзельнікаў супольнага домаўладання кожны ўдзельнік мае колькасць галасоў, прапарцыйную памеру ягонай дзелі ў праве ўласнасці на агульную маёмасць, гэта значыць фактычна прапарцыйную плошчы кватэры. Такім чынам, уласнік «аднапакаёўкі», натуральна, мае значна меншую колькасць галасоў, чым ўласнік, напрыклад, трохпакаёўкі.

Прапарцыйна памеру дзелі ў праве ўласнасці на агульную маёмасць размяркоўваліся і выдаткі ўтрымання гэтай агульнай маёмасці, а гэта, дарэчы, не толькі выплаты за некаторыя жыллёва-камунальныя паслугі, але і ўнёскі ў тых жа таварыствах уласнікаў і жыллёвых кааператывах. Гэта значыць, было ўсё лагічна і справядліва: хто мае больш галасоў, той нясе і больш выдаткаў.

Цяпер жа ў праекце новай рэдакцыі ЖК прапарцыянальнасць захоўваецца толькі ў колькасці галасоў удзельнікаў супольнага домаўладання. І атрымліваецца, што ўласнікі вялікіх кватэр будуць усё вызначаць на агульных сходах, вызначаць ўсю, калі можна так сказаць, палітыку супольнага домаўладання, у тым ліку, вызначаць лёс агульнай маёмасці. Але! Плаціць за ўтрыманне агульнай маёмасці ўсе будуць аднолькава. Гэта значыць, вобразна кажучы, багатыя пачнуць жыць за кошт бедных.

Напісаць каментар 22

Таксама сачыце за акаўнтамі Charter97.org у сацыяльных сетках