Фотафакт: Як Брытанія чакае нараджэння трэцяга каралеўскага нашчадка

Букмекеры робяць стаўкі на пол і імя дзіцяці, якое неўзабаве павінна з'явіцца на свет.

У Вялікай Брытаніі чакаюць нараджэння трэцяга нашчадка прынца Уільяма Віндзара. 23 красавіка герцагіню Кембрыджскую Кейт адвезлі ў лякарню Святой Марыі, дзе ў 2015 годзе ў пары нарадзілася прынцэса Шарлота, піша rbc.ru.

Пра тое, што прынц Уільям і герцагіня Кейт чакаюць трэцяе дзіця, каралеўская сям'я абвясціла ў верасні.

У Кейт і Уільяма ўжо ёсць двое дзяцей - прынц Джордж і прынцэса Шарлота.

Трэцяе дзіця каралеўскай пары народзіцца ў лякарні Святой Марыі. Там жа ў 2015 годзе з'явілася на свет прынцэса Шарлота.

Сувенірная прадукцыя, прысвечаная нованароджанаму, пацясніла на прылаўках сувеніры да вяселля прынца Гары, якое адбудзецца 19 траўня.

Паводле звестак Цэнтра даследаванняў, жыхары Вялікай Брытаніі і турысты выдаткуюць на куплю сувеніраў, напоі і святочную ежу ў гонар нараджэння новага прынца або прынцэсы блізу £100 млн ($130 млн).

Экспэрты сцвярджаюць, што трэцяга нашчадка чакаюць з меншым запалам, чым прынца Джорджа і прынцэсу Шарлоту. У 2013 годзе нараджэнне каралеўскага першынца прыцягнула ў Лондан 29,1 мільёна чалавек. Праз два гады дзень нараджэння прынцэсы святкавалі ўжо 32 млн турыстаў.

Пол будучага дзіцяці дагэтуль застаецца невядомым.

Самымі папулярнымі імёнамі у букмекераў сталі Мэры, Артур, Эліс, Вікторыя і Альберт (01/11).