Кошт Bitcoin Cash выйшаў на 10-тыднёвы максімум
1- 23.04.2018, 14:59
- 9,219
За апошнія дні кошт крыптавалюты вырас больш чым на 15%.
Створаная ў выніку хардфорка ў жніўні 2017 года крыптавалюта Bitcoin Cash (BCH) паднялася ў ноч на панядзелак, 23 красавіка, вышэй за 1300$, дасягнуўшы такім чынам адзнак, на якіх яна апошні раз таргавалася ў першай дэкадзе лютага, паведамляе forklog.com.
Толькі за апошнія 24 гадзіны кошт гэтай крыптавалюты вырас больш чым на 15%, дабраўшыся ў пэўны момант да $1322 пры капіталізацыі $22,3 млрд.
Цяперашні рост Bitcoin Cash адбываецца напярэдадні запланаванага на 15 траўня апгрэйду пратаколу сеткі, пасля якога памер блока будзе павялічаны да 32 Мб. Акрамя таго, дадатковым каталізатарам росту стала навіна аб тым, што аплатны працэсінг Bitpay дадаў падтрымку BCH у свой PoS-дадатак. Гэта азначае, што крамы, якія выкарыстоўваюць працэсінг Bitpay для атрымання аплаты ў крыптавалютах, цяпер могуць проста на месцы генераваць пры дапамозе мабільных прылад аплатныя коды для прыёму BCH.
Агулам жа Bitcoin Cash стаў абсалютным лідарам росту сярод першай дваццаткі крыптавалют у рэйтынгу Coinmarketcap за апошнія 7 дзён, падняўшыся за тыдзень на 70%.
Аднак, цэнтралізаваны характар распрацовак пратаколу BCH і новыя спрэчныя заявы галоўнага ідэолага праекту Роджэра Вера прадаўжаюць зазнаваць жорсткую крытыку з боку больш шырокай крыптавалютнай супольнасці.
Так, у суботу Роджэр Вер заявіў, што BCH - гэта той самы біткойн (BTC), якім ён карыстаўся з 2011 года.
BCH is the BTC I’ve been using since 2011
— Roger Ver (@rogerkver) 21 апреля 2018 г.
Сярод шматлікіх крытычных адказаў на гэта выказванне можна вызначыць рэпліку дырэктара ў стратэгіі Blockstream Сэмсона МАУ, які прапанаваў Веру правесці просты эксперымент: спампаваць які-небудзь біткойн-кліент, выпушчаны ў 2011 годзе, сінхранізаваць яго з сеткай, згенераваць новы адрас і адправіць на яго ўсе свае манеты BCH, пасля чаго расказаць супольнасці, як усё спрацавала.
Download a #Bitcoin client released in 2011 and sync it to the network. Generate an address. Send all your $BCH to that address. Then let us know how it worked out. https://t.co/UvgQzjPYIj
— Samson Mow (@Excellion) 21 апреля 2018 г.
Нагадаем таксама, што ў канцы мінулага тыдня майнінгавы пул Antpool, які з'яўляецца падраздзяленнем кітайскага гіганта Bitmain, абвясціў аб тым, што пачаў спальваць 12% транзакцыйных камісій, што атрымліваюцца ім у працэсе здабычы Bitcoin Cash. На думку Antpool, спальванне часткі камісій падтрымае экасістэму Bitcoin Cash і будзе спрыяць росту кошту манеты ў доўгатэрміновай перспектыве.
Што да іншых вядучых крыптавалют, то за апошнія 24 гадзіны таксама звяртае на сябе ўвагу Monero (XMR) з ростам 10%.
