Улады вызначылі, за што будуць плаціць «дармаеды»
125- 26.04.2018, 13:49
- 111,646
Савет міністраў апублікаваў пералік паслуг для 100-адсоткавай кампенсацыі.
Урад вызначыў, якія паслугі незанятыя ў эканоміцы беларусы будуць аплачваць паводле эканамічна абгрунтаваных тарыфаў. Гэта прапісанае ў пастанове Саўміна №314 ад 24 красавіка 2018 года.
Працаздольныя грамадзяне, не занятыя ў эканоміцы, аплачваюць коштамі (тарыфамі), якія забяспечваюць поўную каменсацыю 100% затрат, наступныя камунальныя паслугі:
гарачае водазабеспячэнне;
газазабеспячэнне пры наяўнасці індывідуальных газавых ацяпляльных прыбораў;
цеплазабеспячэнне.
Пастанова ўваходзіць у дзеянне з 1 студзеня 2019 года.
Згодна з дакументам, тыя, хто падпадае пад дэкрэт №1, гарачае водазабяспячэнне пачнуць аплачваць з 1 студзеня 2019 года, газазабеспячэнне пры наяўнасці індывідуальных газавых ацяпляльных прыбораў і цеплазабеспячэнне - з 1 кастрычніка 2019 года.
Нагадаем, 25 студзеня Лукашэнка падпісаў дэкрэт №1, якім прадугледжаныя захады ў садзейнічанні занятасці насельніцтва.
Пазней урад вызначыў, хто будзе падпадаць пад дзеянне абноўленага дакумента аб «дармаедстве» - дэкрэта №1. Пры гэтым не быў не зацверджаны канчатковы пералік паслуг, якія трапілыя пад дзеянне дэкрэта №1 павінны будуць аплачваць паводле поўных тарыфаў.
Раней Лукашэнка на сустрэчы з прапагандыстамі з дзяржаўных СМІ краіны 10 красавіка заявіў, што асноўная сутнасць дэкрэта №1 у тым, каб людзі працавалі і аплачвалі нададзеныя дзяржавай паслугі, у тым ліку аховы здароўя, ЖКГ.