Новы дэкрэт аб «дармаедах»: Поўная аплата паслуг і адпраўка ў ЛПП

Урад вызначыў, хто і як будзе працаваць з беспрацоўнымі.

Урад вызначыў парадак утварэння і дзейнасці стала дзейных камісій, якія будуць займацца садзейнічаннем занятасці насельніцтва. Іх стварэнне прадугледжанае абноўленым дакументам аб дармаедах – лукашэнкаўскім дэкрэтам №1. Стварэнне камісій прадугледжанае пастановай Саўміна ад 31 сакавіка 2018 г №240, якой зацверджаны прыкладны раздзел аб стала дзейнай камісіі для каардынацыі работы ў садзейнічанні занятасці насельніцтва.

У рэгіёнах створаць камісіі, якія будуць прымаць пастановы наконт тых, хто трапіў пад дзеянне дэкрэта аб садзейнічанні занятасці, піша finance.tut.by.

Чым будуць займацца камісіі?

Такія камісіі, якія працавалі з дармаедамі, былі і падчас дзеяння самага першага дармаедскага дэкрэта. Аднак яны разглядалі заявы тых, хто апынуўся ў цяжкай жыццёвай сітуацыі і прасіў поўнасцю або часткова вызваліць ад выплаты падатку.

Цяпер камісіі таксама будуць разглядаць заявы тых, хто трапіў пад дзеянне дэкрэта, і іх сямейнікаў (у тым ліку жонак (і), бацькоў, дзяцей, бабуль і дзядуляў) аб поўным або частковым вызваленні ад аплаты паслуг з кампенсацыяй выдаткаў. Прычынай такога звароту можа быць знаходжанне ў цяжкай жыццёвай сітуацыі. Але акрамя гэтага ў камісій з'явіцца нямала і іншых задач:

арганізацыя работы для выканання працаздольнымі грамадзянамі, незанятымі ў эканоміцы, садзейнічання ў працаўладкаваннi;

арганізацыя і каардынацыя работы зацікаўленых органаў і арганізацый для правядзення прафілактычнай работы, накіраванай на рэсацыялізацыю асобаў, якія вядуць асацыяльны лад жыцця;

наданне кансультатыўнай, метадычнай і прававой дапамогі ў пытаннях працаўладкавання і (або) самазанятасці;

арганізацыя працы ў інфармаванні (паведамленні) грамадзян аб тым, што інфармацыя аб іх утрымліваецца ў базе звестак працаздольных грамадзян, не занятых у эканоміцы;

фармаванне спісу працаздольных грамадзян, не занятых у эканоміцы, якія аплачваюць паслугі, што вызначаюцца Саветам міністраў Рэспублікі Беларусь, коштамі (тарыфамі), што забяспечваюць поўную кампенсацыю эканамічна абгрунтаваных затрат на іх наданне;

каардынацыя шырокамаштабнай інфармацыйнай працы для тлумачэння сацыяльна-працоўных гарантый, якія прадстаўляюцца дзяржавай грамадзянам, арыентацыі грамадзян на ажыццяўленне легальнай дзейнасці;

правядзенне іншых мерапрыемстваў у рамках рэалізацыі дэкрэта №3.

Што змогуць ужываць камісіі?

Так, камісія мае права накіроўваць працаздольных грамадзян, не занятых у эканоміцы, у цэнтры занятасці, а таксама «прымаць пастановы аб накіраванні працаздольных непрацуючых грамадзян, якія вядуць асацыяльны лад жыцця, у лячэбна-працоўныя прафілакторыі».

Пры гэтым камісія таксама зможа запытваць у дзяржорганаў і іншых арганізацый незалежна ад формы ўласнасці, службовых асоб інфармацыю аба пытаннях, якія належаць да дзейнасці камісіі. Акрамя таго, камісія можа прыцягваць спецыялістаў і экспэртаў для падрыхтоўкі заключэнняў у пытаннях, якія маюць значэнне для ажыццяўлення сваёй дзейнасці.

Хто будзе ўваходзіць у камісіі?

У склад камісіі ўключаюцца дэпутаты ўсіх узроўняў, спецыялісты структурных падраздзяленняў раённага (гарадскога) выканаўчага камітэта (мясцовай адміністрацыі) (у працы, занятасцi i сацыяльнай абароне, аховы здароўя, жыллёва-камунальнай гаспадаркі, архітэктуры і будаўніцтва, унутраных спраў, адукацыі, ідэалогіі і іншыя), прадстаўнікі рэспубліканскіх дзяржаўна-грамадскіх аб'яднанняў, іншых грамадскіх аб'яднанняў.

Старшынём камісіі, як правіла, будзе старшыня раённага (гарадскога) савета дэпутатаў, а ў мясцовых адміністрацыях - кіраўнік адміністрацыі раёна ў горадзе.

Пасяджэнні камісіі склікаюцца сакратаром камісіі на ўзгадненне са старшынём камісіі пры неабходнасці, але не радзей як два разы на месяц.