У Менск прыехала новая Кіраўніца прадстаўніцтва ААН у Беларусі

Яана Казана-Вішнявецкі змяніла на пасадзе Санаку Самарасінха.

Яана Казана-Вішнявецкі стала новым сталым каардынатарам ААН і сталым прадстаўніком Праграмы развіцця ААН (ПРААН) у Беларусі, паведамляе Interfax.by.

"У аўторак Казана-Вішнявецкі прыбыла ў Беларусь для ўступлення на пасаду сталага каардынатара ААН, сталага прадстаўніка ПРААН у Беларусі", - гаворыцца ў распаўсюджаным прадстаўніцтвам паведамленні.

Яана Казана-Вішнявецкі таксама прызначаная прадстаўніком Фонду ААН у галіне народанасельніцтва (ЮНФПА) у Беларусі і кіраўніком офіса ААН Дэпартамента грамадскай інфармацыі (ДГІ).

З 2010 года яна працавала ў штаб-кватэры ПРААН у якасці начальніка аддзела што да заходніх краін СНД і краіна Закаўказзя, а затым на пасадзе кіраўніка аддзела ў сувязях і наглядзе над краінавымі офісамі рэгіянальнага бюро ПРААН у краінах Еўропы і СНД у Нью-Ёрку, дзе адказвала за каардынацыю ўзаемадзеяння з урадамі дзяржаў-чальцоў ААН праз сталыя прадстаўніцтвы пры ААН.

Яна таксама надавала садзейнічанне кіраўніцтву ПРААН у кантролі і стратэгічнай падтрымцы васемнаццаці краінавых офісаў ПРААН, падсправаздачных рэгіянальным бюро ў краінах Еўропы і СНД.

Да пераходу ў штаб-кватэру ПРААН у Нью-Ёрку Казана-Вішнявецкі працавала намесніцай сталага прадстаўніка ПРААН ва Украіне і асістэнткай сталага прадстаўніка ў офісе ПРААН у Літве.

Пачала сваю кар'еру ў ААН яна ў краінавым офісе ПРААН у Варшаве.

Казана-Вішнявецкі родам з Польшчы, мае ступень магістра эканомікі і міжнародных стасункаў Варшаўскай Школы Эканомікі.

Казана-Вішнявецкі замяніла на пасадзе Санаку Самарасінха, які скончыў сваю місію ў Беларусі 30 красавіка 2018 года.