24 траўня 2018, Чацвер, 15:07
Рубрыкі

Джэк Дорсі: Біткойн стане адзінай валютай для ўсіх аплат у інтэрнэце

5

Топ-мэнэджар Twitter прапанаваў спрасціць разлікі ў сеціве.

CEO Twitter і аплатнага стартапа Square Джэк Дорсі мяркуе, што інтэрнэт патрэбу ва ўласнай крыптавалюце, і валютай цалкам можа быць біткойн. Такое меркаванне ён выказаў у панэльнай дыскусіі з CEO Lightning Labs Элізабэт Старк на канферэнцыі Consensus 2018, піша CoinDesk.

«Я схільны думаць, што інтэрнэт заслугоўвае натыўную крыптавалюту, і яна ў яго будзе. Я не ведаю, ці будзе гэта біткойн, але я на гэта спадзяюся. Я яго вялікі прыхільнік», - сказаў Дорсі.

Паводле ягоных слоў, ідэя аб тым, што аднойчы біткойн стане асновай для ўсіх аплат у сеціве, застаецца прадметам гарачых дэбатаў унутры Square.

«Мы гэта дапускаем. Ёсць шмат скептыкаў, ідуць вялікія дэбаты і спрэчкі. Але менавіта так і нараджаецца чараўніцтва і крэатыўнасць», - дадаў Дорсі.

Нягледзячы на тое, што Square пакуль яшчэ не распрацаваў паўнавартаснае аплатнае развязанне на аснове біткойна для мерчантаў і спажыўцоў, са слоў Дорсі, кампанія пільнуецца таго бачання, якое атачала крыптавалюту з самага пачатку яе існавання.

«Мы хочам вярнуцца да арыгінальнай ідэі і даць магчымасць купіць за біткойны кубак кавы. Менавіта таму мы супрацоўнічаем з Lightning Labs і зробім усё патрэбнае для таго, каб гэта здарылася".

Гатоўнасць пайсці на ўсялякія крокі для масавага прыняцця біткойна, аднак, не азначае, што Square можа паставіць пад пагрозу адкрытую прыроду сеткі.

«Гэта вельмі адкрытая супольнасць, і я хачу быць упэўненым, што карпаратыўны свет ёй не пагражае», - сказаў на заканчэнне Джэк Дорсі.