Экспэрты распавялі, як праверыць якасць прадуктаў харчавання

Хітрыкі вызначэння якасці і свежасці прадуктаў у хатніх умовах.

Медыцынскія спецыялісты далі рэкамендацыі аб тым, як самастойна вызначыць якасць розных прадуктаў харчавання, прапанаваных нам гандлёвымі сеткамі, піша medikforum.ru.

Кураціна. Важна звяртаць увагу на наяўнасць белых прожылак на курыным мясе, а таксама на выяўленасць тлушчавай праслойкі пад скурай. Калі яна вельмі істотная, хутчэй за ўсё, курыца атрымлівала корм з гарманальнымі дадаткамі для паскоранага росту.

Мяса. Калі на мясе прысутнічае жаўтлявы налёт, - яно старое: свежае мяса мае ружовы колер. Націсніце на яго пальцам. Па словах экспэртаў, добрае свежае мяса адрозніваецца пругкасцю, яно хутка прыме першапачатковы выгляд пасля націскання.

Акрамя таго, свежы прадукт пры прамочванні сурвэткай пакідае шмат вільгаці і слядоў крыві. Калі пры разрэзе ў сярэдзіне мяса цёмнае, а яго контуры, наадварот, светлыя, - значыць, яго трымалі ў растворы для надання таварнага выгляду, расказалі спецыялісты.

Тварог. Капніце на кавалачак тварагу ёдам. Прысутнасць крухмалу і алеяў у прадукце выдасць сіні колер. Таксама можна скарыстацца іншым спосабам праверкі: проста пакінуць трохі тварагу на стале пры пакаёвай тэмпературы. Сапраўдны тварог у такой абстаноўцы пачне толькі скісаць, а нашпігаваны алеямі - памяняе сваё адценне і пакрыецца жоўтым налётам.

Сыр. У вытворчасці сыру таксама нярэдка выкарыстоўваюць перапрацаваныя алеі, якія спрыяюць узмоцненаму назапашванню халестэрыну ў сасудах. Экспэрты раяць для праверкі якасці пакінуць кавалачак сыру на сонцы. Якасны прадукт толькі размягчыцца, а няякасны - зацвярдзее і пакрыецца алейнымі кроплямі.

Смятана. Размяшайце лыжку смятаны ў шклянцы гарачай вады - гэты няхітры спосаб дазваляе выявіць прысутнасць алеяў. Сапраўдная смятана цалкам раствараецца, утвараючы аднастайную каламутную вадкасць. Расслаенне прадукту і з'яўленне шматкоў - знак дрэннай якасці.

Марозіва. Якаснае марозіва, растае на сонцы і становіцца мяккім, але пры гэтым захоўвае сваю шчыльную сметанковую кансістэнцыю. Марозіва, якое змяшчае алеі растае доўга, пасля чаго ад прадукту застаецца толькі напаўпразрыстая лужынка.

Замарожаныя раслінныя прадукты. Калі замарожаная гародніна, ягады і садавіна ўяўляюць сабой якасны прадукт, на іх паверхні будзе толькі прыкметна невялікая колькасць інею. Камякі лёду і снегу кажуць пра тое, што прадукцыя захоўвалася няправільна і хутчэй за ўсё перезамарожвалася паўторна, што вельмі небяспечна з пункту гледжання заражэння якой-небудзь бактэрыяльнай інфекцыяй.