Заіка пра Сямашку: Дырэктар завода тэлевізараў разважае пра АЭС

Астравецкая АЭС - гэта пудзіла.

Пра гэта заявіў кіраўнік аналітычнага цэнтра «Стратэгія» Леанід Заіка ў эфіры primus.by, каментуючы будаўніцтва БелАЭС на мяжы з Літвой:

«Маладыя спецыялісты, якія прыходзяць працаваць у адміністрацыю Лукашэнкі, гледзячы на партрэты, якія вісяць у яе сценах, перастаюць думаць. Чалавек ператвараецца ў функцыю, а яго звіліны ператвараюцца ў простую лінію.

Што тычыцца БелАЭС - гэта будзе выглядаць смешна. Літоўцы і так на нас глядзяць, як на дэбілаў. Будуем станцыю за 30 кіламетраў ад сталіцы іншай дзяржавы. Ну навошта яна там? 170 кіламетраў ад Менска і 30 кіламетраў ад Вільні. Любы нармальны чалавек вам скажа: «А чаго вы там будуеце?». У савецкі час генералы прапаноўвалі будаваць АЭС ля межаў краіны, выкарыстоўваючы замест загараджальных атрадаў.

Віцэ-прэм'ер Уладзімір Сямашка ў Астраўцы казаў пра парніковыя газы, выкід якіх знізіць увод у эксплуатацыю БелАЭС. Але ён бы ў жыцці пра гэта не здагадаўся. Сямашка - дырэктар тэлевізійнага завода. Уладзіміра Ільіча трэба адправіць на «Гарызонт».

Завод стаіць. Мне распавялі святую таямніцу «Гарызонта». Заводу належыць сем садкоў, за якія з бацькоў бяруць шалёныя грошы. За гэтыя грошы паборы жыве ўся адміністрацыя завода. За кошт грошай бацькоў. Таму трэба адправіць Сямашку на «Гарызонт», хай ён будуе там маленькую АЭС. На хуткіх нейтронах.

А калі сур'ёзна - адну лухта замяняюць на другую. Пачытайце разумныя кніжкі пра сучасную энергетыку. Адзінае прымяненне Астравецкай АЭС - палохаць літоўцаў. А мне іх шкада», - падсумаваў эканаміст.