Навукоўцы патлумачылі загадку магнітнага поля Зямлі

Загадка мучыла навукоўцаў з 1962 года.

Навукоўцы Кембрыджскага ўніверсітэта знайшлі магчымае тлумачэнне анамальнаму зрушэнню магнітнага поля Зямлі на захад. Згодна з даследчыкам, дрэйф звязаны з хвалямі Росбі, якія ўтвараюцца ў вонкавым ядры планеты, піша segodnya.ua.

Зрушэнне было выяўлена яшчэ ў 1962 годзе, пры гэтым дакладная прычына варыяцыі магнітнага поля застаецца невядомай. Паводле адной з гіпотэз, у вонкавым ядры Зямлі, якое ўяўляе сабой вадкі пласт таўшчынёй 2266 кіламетраў, ствараюцца віхравыя токі, якія нагадваюць вышынныя струменевыя плыні ў атмасферы Зямлі - вузкія і звілістыя паветраныя патокі на вышыні 9-12 кіламетраў, выкліканыя сілай Карыоліса. Аднак прыкмет такіх плыняў не знайшлі.