Больш за дзве тысячы фанатаў «Рэала» здаюць квіткі на фінал Лігі чэмпіёнаў
2- 20.05.2018, 15:52
- 15,905
Квіткі заўзятары здаюць праз праблемы з лагістыкай і размяшчэннем у Кіеве.
Больш 2,2 тысячы фанаў футбольнага клуба «Рэал» (Мадрыд) здаюць квіткі на фінал Лігі чэмпіёнаў УЕФА, які пройдзе ў Кіеве, піша gordonua.com са спасылкай на гішпанскае выданне AS.
Адзначаецца, што для трымальнікаў абанементаў «Рэала» вылучылі 12,8 тысяч білетаў. Многія вяртаюць іх, тлумачачы гэта праблемамі з лагістыкай і размяшчэннем у Кіеве.
Цалкам магчыма, што «Рэал» не зможа цалкам выкарыстаць сваю квоту на квіткі, прагназуе выданне.
Фінальны матч Лігі чэмпіёнаў адбудзецца 26 траўня ў Кіеве на НСК «Алімпійскі». У ім згуляюць гішпанскі «Рэал» і ангельскі «Ліверпуль».
Кіеў упершыню ў гісторыі прымае фінальны матч Лігі чэмпіёнаў. Улады чакаюць, што на фінал у сталіцу прыедзе білу 100 тысяч гасцей.
Праз ажыятажны попыт кошт арэнды жылля ў Кіеве на 26 траўня рэзка вырас. Аднапакаёвыя нумары ў гатэлі падняліся ў кошце ў сярэднім да 62 тысяч грн, двухмесныя - да 120 тысяч грн.
Заўзятары «Ліверпуля» заявілі пра намер паскардзіцца ва УЕФА на дарагое жыллё ў Кіеве. Яны падкрэслілі, што большасць з іх - «працоўны клас, а не мільянеры».
Кіяўляне запусцілі флэшмоб для футбольных фанаў з Еўропы, якія хочуць пераначаваць бясплатна.