Фінляндыя скароціць ільготы для былых дэпутатаў
2- 20.05.2018, 18:16
- 9,037
У Фінляндыі пастанавілі адмовіцца ад сістэмы адаптацыйных пенсій.
Спікерка парламента Фінляндыі Паула Рысіка і кіраўнікі ўсіх фракцый, акрамя "Сапраўдных фінаў", пастанавілі адмовіцца ад сістэмы адаптацыйных пенсій.
Як паведамляе eurointegration.com са спасылкай на партал eurointegration.com, адпаведны законапраект будзе ўнесены на разгляд парламентарыяў у найбліжэйшы час.
На адаптацыйную пенсію маюць права дэпутаты парламента, якія працавалі не менш як 7 гадоў, упершыню выбраныя да 2011 года. Пенсія выплачваецца ў тым выпадку, калі былы дэпутат пасля заканчэння кар'еры ў парламенце не можа знайсці працу.
Адаптацыйныя пенсіі крытыкаваліся праз залішнюю шчодрасць. Летась на іх выплату дзяржава выдаткавала 1,3 мільёна еўраў.
Супраць такіх выдаткаў была накіраваная грамадская ініцыятыва, якая ў студзені сабрала 50 тысячаў подпісаў, неабходных для таго, каб такую ініцыятыву разгледзелі ў парламенце.
Прапануецца замяніць адаптацыйную пенсію дапамогай, якую могуць атрымліваць экс-дэпутаты, што не здолелі знайсці сабе новую працу. Такая дапамога можа выплачвацца ім не больш за тры гады.