Тысячы менчукоў не плацяць за «камуналку» больш за год

Запазычанасць у камунальных аплатах у Менску дасягнула 7,3 мільёнаў рублёў.

Менчукі вінныя камунальнікам больш за 7,3 млн руб. Пратэрмінаванымі выявіліся 59 245 асабовых рахункаў. У катэгорыі неаплатнікаў рахунку 53 066 уласнікаў і 6 176 наймальнікаў, паведамляе Onliner.by. Гаворка ідзе пра дамы, якія знаходзяцца на тэхнічным абслугоўванні прадпрыемстваў ЖКГ раёнаў, а таксама прыватным сектары.

- Пераважная большасць завінавачаных не маюць уважлівых прычын для неаплаты ЖКП і, напэўна, проста не ўважаюць за вострую неабходнасць разлічыцца за спажытыя паслугі своечасова, - адзначае галоўны спецыялістка філіяла «Адзіны разлікова-даведачны цэнтр г. Менска» Эла Лазарава. - Пра гэта сведчыць той факт, што да 42 152 асабовых рахункаў перыяд запазычанасці складае ўсяго адзін месяц, а агульная сума перавышае 2,6 млн рублёў. Такім грамадзянам пагражае максімум налічэнне пені ў суме 0,3% ад сумы запазычанасці за асноўныя ЖКП.

Агулам 88,5% завінавачаных (52 414 асабовых рахункаў) не аплачвалі рахункі тэрмінам да 3 месяцаў і завінаваціліся 4 млн рублёў; 4,4% (2621 а/р) мелі запазычанасць ад 3 да 6 месяцаў на суму 731,6 тысячы рублёў; 2,5% (1478 а/р) - ад 6 месяцаў да 1 года на суму 62,1 тысячы рублёў; 4,6% (2729 а/р) - ад 1 года да 3 гадоў на суму 1,9 млн рублёў.

Пасля двух месяцаў запазычанасці уласнікам і наймальнікам накіроўваюць пісьмовае папярэджанне аб неабходнасці выплаціць запазычанасць цягам 5 дзён. У адваротным выпадку адключаюць некаторыя камунальныя паслугі, у асноўным электра-і водазабеспячэнне. З 1 студзеня да 1 траўня гэтага года такім завінавачаным выдалі 29 711 папярэджанняў, адключаныя ЖКП у 6153 кватэрах.