Скандальны экс-прэзідэнт ПАРЕ Аграмунт выйшаў з Асамблеі
4- 22.05.2018, 20:47
- 8,831
Былы прэзідэнт ПАРЕ падазраецца ў карупцыі.
Пэдра Аграмунт выйшаў з арганізацыі пасля ўвядзення санкцый супраць яго, паведамляе "Еўрапейская праўда".
Пра гэта на сваёй старонцы ў Facebook паведаміў старшыня ўкраінскай дэлегацыі ў ПАРЕ Уладзімір Ар’еў.
"Былы прарасейскі прэзідэнт ПАРЕ Пэдра Аграмунт наогул выйшаў з ПАРЕ пасля ўвядзення супраць яго дзесяцігадовых санкцый за істотныя парушэнні Кодэкса паводзін. Мінус адзін", - паведаміў украінскі дэпутат.
Нагадаем, на мінулым тыдні рэгламентны камітэт Парламенцкай асамблеі Рады Еўропы ў аўторак на сустрэчы ў Парыжы абраў пакаранне для дэпутатаў, якія падазраюцца ў карупцыйных дзеяннях на карысць Азербайджана. Сярод пакараных быў і былы прэзідэнт арганізацыі Пэдра Аграмунт.
Супраць Аграмунта былі ўведзеныя жорсткія абмежаванні. Чатырох дэпутатаў пазбавілі ўсіх прадугледжаных правіламі правоў, акрамя права голасу і права падаваць праекты дакументаў. Санкцыі супраць Аграмунта ўведзеныя на 10 гадоў, тады як супраць астатніх - на два гады.