Пракапеня зноў заплаціў рэкордны падаходны падатак
8- 24.05.2018, 16:45
- 14,920
ІТ-прадпрымальнік задэклараваў прыбытак памерам 58,9 мільёна беларускіх рублёў за 2017 год.
Пра рэкордную суму задэклараваных прыбыткаў фiзiчнай асобы паведамілі ў ІМПЗ у Менску. Паводле інфармацыі naviny.by, менавіта Віктар Пракапеня паказаў такую суму ў дэкларацыі аб прыбытках.
Сума падаходнага падатку склала 7 млн беларускіх рублёў або блізу 3,5 млн даляраў.
Усяго ў Менску 11,7 тысячы фізічных асобаў падалі дэкларацыі аб прыбытках у 2017 годзе. Паводле вынікаў пераразліку 7,8 тыс. грамадзянаў налічаны да выплаты падаходны падатак памерам 36,4 млн рублёў, 330 грамадзянам падаходны падатак памерам 993 тыс. рублёў вернуты ў сувязі з прадастаўленнем падатковых вылікаў.
Пракапеня не першы год становіцца найбуйнейшым плацельшчыкам падатку на прыбыткі для фізічных асобаў. Так, у 2016 годзе бізнэсмэн выплаціў падаходны падатак памерам больш за 1,4 млн даляраў.