Лукашэнка зняў Шышко з пасады намесніка міністра транспарту і камунікацый
13- 24.05.2018, 16:57
- 18,052
Дыктатар незадаволены працай Мінтранса.
Аляксандр Шышко вызвалены ад пасады намесніка міністра транспарту і камунікацый, паведамілі БелТА ў прэс-службе ўрада.
З пастановы Савета міністраў ад 23 траўня 2018 года №382 вынікае, што Аляксандр Шышко вызвалены ад пасады ў сувязі з невыкананнем абмежаванняў, звязаных з дзяржаўнай службай (падпункт 1.4 пункта 1 артыкула 40 закона ад 14 чэрвеня 2003 года «Аб дзяржаўнай службе ў Рэспубліцы Беларусь»).
Нагадаем, не так даўно Лукашэнка крытыкаваў Мінтранс:
«У сістэме Мінтранса ўсё часцей узнікаюць пытанні карупцыйных праяваў, – заявіў дыктатар. – Неабходна самым кардынальным чынам навесці там парадак, прычым раз і назаўжды. Я шчыра скажу, што ўжо блізкі да таго, каб Сівака выправіць туды ж, куды міністра лясной гаспадаркі. І шчыра кажу, што ваша міністэрства самым жорсткім чынам знаходзіцца ў цэнтры ўвагі праваахоўнай сістэмы ў цэлым. Дзейнічайце!»