Паводле раману стваральніка «Гульні пасадаў» зробяць мультфільм

Анімацыйны фільм створыць кінастудыя Warner Bros.

Зусім нядаўна пісьменнік Джордж Р.Р.Марцін распавёў, якую неадпаведнасць серыяла "Гульня пасадаў" арыгінальным кнігам прыбраў бы, і каго з персанажаў вярнуў, піша segodnya.ua.

А цяпер з'явілася навіна, што кінастудыя Warner Bros рыхтуе анімацыйны фільм аб матывах фантастычнага рамана Марціна "Ледзяны цмок". Больш за тое, аўтар кнігі стане прадусарам стужкі, піша выданне Variety.

Са слоў самога пісьменніка, праект ніяк не звязаны з сусветам "Песні лёду і полымя" і "Гульня пасадаў". Раман "Ледзяны цмок" выйшаў у 1980 годзе. У цэнтры сюжэту - дзяўчына Адара і ледзяны цмок, з якім яна пасябравала пасля смерці маці. Пра гэтую істоту ходзяць легенды, і людзі яго баяцца - калі ён пралятае ў небе, то зямля замярзае і пакрываецца лёдам.