Аляксандр Глеб згуляе за зборную Беларусі на чэмпіянаце свету сярод артыстаў у Маскве
7- 26.05.2018, 11:01
- 8,494
Зборная беларускіх зорак выправілася ў Маскву на VIII чэмпіянат свету ў футболе сярод артыстаў.
Чэмпіянат пройдзе з 25 траўня да 3 чэрвеня. У складзе нацыянальнай каманды на поле выйдзе паўабаронца барысаўскага БАТЭ Аляксандр Глеб.
Пра гэта апавёў naviny.by Альберт Скараход – капітан зборнай зорак эстрады. У каманду ўвайшлі гульцы двух калектываў – "БеZгрима" (акторы тэатра і кіно) і "Арт-Старс" (зоркі эстрады).
Капітан каманды пракаментаваў склад беларускай зборнай:
– У склад зборнай заяўлены Юры Зінчанка, Павал Харланчук, Анзор Алімерзоеў, Сяргей Жбанкоў, Міхаіл Колбенеў з ФК "БеZгрима". Нашу каманду ў зборнай прадставяць Сяргей Мінскі, Андрэй і Алег Канапелькі, Аляксандр Ваўчок, Зміцер Кулінковіч, Ілля Конанаў, Тэнгіз Думбадзэ, Аляксей Багдановіч, Яўген Булка, Ягор Квартальны, Юрый Цыркуноў, Руслан Аляхно, Дзмітрый Калдун, Валерый Дайнэка.
Паводле правілаў мы маем права запрасіць у склад каманды прафесійных спартоўцаў, ветэранаў футболу. З намі згуляюць Аляксандр Кульчы, які ў складзе зборнай Беларусі правёў 102 матчы, Віталь Ледзянеў, Андрэй Лаўрык, Аляксандр Чэрнік. Настаўнік нашай каманды – заслужаны трэнер БССР Анатоль Байдачны.
А калі мы будзем гуляць са зборнай Расеі, з намі выйдзе на поле легендарны беларускі футбаліст Аляксандр Глеб.